ഗാന്ധിനഗർ: മുൻ കേന്ദ്രമന്ത്രിയും ഗുജറാത്ത് കോൺഗ്രസിലെ മുതിർന്ന നേതാവുമായ ഭരത് സിങ് സോളങ്കിക്കെതിരെ ഗാർഹിക പീഡന ആരോപണവുമായി ഭാര്യ രേഷ്മ പട്ടേൽ. സോയങ്കിക്കെതിരെ ഭാര്യ ബോർസാദ് കോടതിയിൽ ഹരജി സമർപ്പിച്ചു.
സോളങ്കി തന്നെ വീട്ടിൽ നിന്നും പുറത്താക്കിയതായി ഭാര്യ ആരോപിച്ചു. കോൺഗ്രസ് നേതാവും ഭാര്യയും തമ്മിൽ വർഷങ്ങളായി തുടരുന്ന പ്രശ്നങ്ങൾക്കൊടുവിൽ ഇരുവരും വിവാഹ മോചനം ആവശ്യപ്പെട്ടിരുന്നു.
പാർട്ടിയിലെ തന്നെ ഒരു വനിത അംഗവുമായി സോളങ്കിക്ക് രഹസ്യ ബന്ധമുണ്ടെന്നാരോപിച്ച് കോൺഗ്രസ് നേതാവ് രാഹുൽ ഗാന്ധിക്കടക്കം രേഷ്മ കത്തയച്ചിരുന്നു. സോളങ്കി തന്‍റെ രാഷ്ട്രീയ സ്വാധീനം ഉപയോഗിച്ച് അധികാരം ദുരുപയോഗം ചെയ്യുകയാണെന്ന് രാഹുലിനയച്ച കത്തിൽ രേഷ്മ കുറ്റപ്പെടുത്തി. തന്നെ കൊല്ലുമെന്ന് ഭീഷണിപ്പെടുത്തി വീട്ടിൽ നിന്നും ഇറക്കി വിട്ടെന്നും അവർ ആരോപിച്ചു.
രണ്ട് തവണ ഗുജറാത്തിലെ പാർട്ടി അധ്യക്ഷ സ്ഥാനം വഹിച്ച സോളങ്കിയുടെ നേതൃത്വത്തിൽ ഗുജറാത്തിൽ നേരിട്ട രണ്ട് നിയമസഭ തെരഞ്ഞെടുപ്പുകളിലും കോൺഗ്രസ് പരാജയപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.