അഹ്മദാബാദ്: ഗുജറാത്തിൽ കോൺഗ്രസ് മത്സരിപ്പിച്ച ആറു മുസ്ലിം സ്ഥാനാർഥികളിൽ മൂന്നുപേർ ജയിച്ചുകയറി. ബി.ജെ.പി. ഒറ്റ മുസ്ലിം സ്ഥാനാർഥിയെപ്പോലും നിർത്തിയിരുന്നില്ല.
കഴിഞ്ഞതവണ കോൺഗ്രസ് വിമതനെ സഹായിച്ച് വോട്ട് ഭിന്നിപ്പിച്ച് ബി.ജെ.പി ജയിച്ച അഹ്മദാബാദ് നഗരത്തിലെ ജമാൽപുർ ഖടിയയിൽ ഇംറാൻ യൂസുഫ് ഭായ് ഖേടാവാല ബി.ജെ.പിയിലെ ഭൂഷൺ അശോക് ഭട്ടിനെ കാൽ ലക്ഷത്തിലേറെ ഭൂരിപക്ഷത്തിനാണ് തോൽപിച്ചത്. വാങ്കാനീറിൽ മുഹമ്മദ് ജാവീദ് പീർസാദ ആയിരത്തിലേറെ വോട്ടിന് തൊട്ടടുത്ത ബി.ജെ.പി എതിരാളിയെ തോൽപിച്ചപ്പോൾ ദരിയാപുർ ൈശഖ് ദരിയാപുരിലും ജയിച്ചു.
എന്നാൽ, മുസ്ലിം വോട്ട് തീരെയില്ലാത്ത സൂറത്ത് വെസ്റ്റിൽ ഇഖ്ബാൽ പേട്ടൽ 80,000ത്തോളം വോട്ടിനാണ് പൂർണേഷ് മോദിയോട് തോറ്റത്. അദാനിക്കെതിരെ സമരം നയിച്ച ആദം ഭായ് ചാക്കി ഭുജിലും വാഗ്രയിൽ സുലൈമാൻ പേട്ടലും തോൽവി ഏറ്റുവാങ്ങി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.