ബല്ലിയ: ഉത്തർപ്രദേശിൽ 17കാരിയെ ബലാത്സംഗം ചെയ്ത സന്യാസിക്കെതിരെ കേസ്. ബല്ലിയ ജില്ലയിലെ ഖൈറ മഠത്തിലെ മുഖ്യ പുരോഹിതനെതിരെയാണ് പോക്സോ പ്രകാരം കേസ്.
പെൺകുട്ടിയുടെ പരാതിയിൽ വെള്ളിയാഴ്ചയാണ് മൗനി ബാബക്കെതിരെ കേസ് രജിസ്റ്റർ ചെയ്തത്. അഞ്ചുവർഷമായി തുടരുന്ന ബലാത്സംഗത്തിനെതിരെ പെൺകുട്ടി പൊലീസിൽ നിരന്തര പരാതി നൽകിയെങ്കിലും കേസെടുക്കാൻ തയാറായിരുന്നില്ല. തുടർന്ന് കോടതിയെ സമീപിക്കുകയായിരുന്നു പെൺകുട്ടി. ഇതോടെ സന്യാസിക്കെതിരായ എഫ്.ഐ.ആർ ഹാജരാക്കാൻ കോടതി പൊലീസിനോട് ആവശ്യപ്പെടുകയായിരുന്നു.
പെൺകുട്ടിയുടെ അടുത്ത ബന്ധുവാണ് അറസ്റ്റിലായ സന്യാസി. പിതാവിന്‍റെ മരണശേഷം പഠനത്തിനായി പെൺകുട്ടിയെ ഇയാൾ മഠത്തിലേക്ക് കൂട്ടികൊണ്ടുപോരുകയായിരുന്നു. ശേഷം ഇയാൾ പെൺകുട്ടിയെ നിരന്തരം ബലാത്സംഗം ചെയ്തു. കഴിഞ്ഞ അഞ്ചുവർഷമായി സന്യാസി ഉപദ്രവിച്ചിരുന്നതായി പെൺകുട്ടി മൊഴിനൽകിയതായാണ് വിവരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.