അതിർത്തിയിൽ ഇന്ത്യ- ചൈന സൈനികരുടെ പിന്മാറ്റം; താൽക്കാലിക തമ്പുകൾ നീക്കിത്തുടങ്ങി

ന്യൂ​ഡ​ൽ​ഹി: കി​ഴ​ക്ക​ൻ ല​ഡാ​ക്കി​ലെ നി​യ​ന്ത്ര​ണ​രേ​ഖ​യി​ലെ സം​ഘ​ർ​ഷ ഭൂ​മി​യി​ൽ​നി​ന്ന് ഇ​ന്ത്യ​യു​ടെ​യും ചൈ​ന​യു​ടെ​യും സൈ​നി​ക​ർ ക്യാ​മ്പു​ക​ളി​ലേ​ക്ക് പി​ന്മാ​റി​ത്തു​ട​ങ്ങി. പ​ര​സ്പ​രം ഏ​റ്റു​മു​ട്ടി​യ സ്ഥ​ല​ങ്ങ​ളി​ൽ ഇ​രു​കൂ​ട്ട​രും താ​ൽ​ക്കാ​ലി​ക​മാ​യൊ​രു​ക്കി​യ ത​മ്പു​ക​ളും നീ​ക്കം​ചെ​യ്തു തു​ട​ങ്ങി.

ക​ഴി​ഞ്ഞ​യാ​ഴ്ച ഇ​രു രാ​ജ്യ​ങ്ങ​ളും ത​മ്മി​ൽ ​ൈസ​നി​ക പ​ട്രോ​ളി​ങ്ങി​നു​ള്ള ധാ​ര​ണ​യി​ലെ​ത്തു​ക​യും റ​ഷ്യ​യി​ൽ ബ്രി​ക്സ് ഉ​ച്ച​കോ​ടി​ക്കി​ടെ മോ​ദി - ഷീ ​കൂ​ടി​ക്കാ​ഴ്ച ന​ട​ക്കു​ക​യും ചെ​യ്ത​തോ​ടെ​യാ​ണ് സൈ​നി​ക പി​ന്മാ​റ്റ​ത്തി​ലേ​ക്ക് കാ​ര്യ​ങ്ങ​ളെ​ത്തി​യ​ത്. ഇ​രു​കൂ​ട്ട​രും നി​രീ​ക്ഷ​ണ​ങ്ങ​ൾ തു​ട​രു​ക​യും തെ​റ്റാ​യ വി​വ​ര​ങ്ങ​ൾ ഒ​ഴി​വാ​ക്കാ​ൻ ശ്ര​മി​ക്കു​ക​യും ചെ​യ്യും.

ഡെം​ചോ​കി​ൽ​നി​ന്ന് ഇ​ന്ത്യ​യും ചൈ​ന​യും അ​ഞ്ചു വീ​തം ത​മ്പു​ക​ൾ നീ​ക്കി​യെ​ന്ന് വാ​ർ​ത്താ ഏ​ജ​ൻ​സി​ക​ൾ ഔ​ദ്യോ​ഗി​ക വൃ​ത്ത​ങ്ങ​ളെ ഉ​ദ്ധ​രി​ച്ച് റി​പ്പോ​ർ​ട്ട് ചെ​യ്തു. ഗ്രൗ​ണ്ട് ക​മാ​ൻ​ഡ​ർ​മാ​ർ പ​തി​വ് കൂ​ടി​ക്കാ​ഴ്ച​ക​ൾ തു​ട​രും. പ​ത്ത് ത​മ്പു​ക​ൾ നീ​ക്കം ചെ​യ്തു​വെ​ങ്കി​ലും ഡെം​ചോ​കി​ൽ ഇ​നി​യും 12 ത​മ്പു​ക​ളു​ണ്ട്.

ഡെ​പ്സാ​ങ്ങി​ൽ താ​ൽ​ക്കാ​ലി​ക ത​മ്പു​ക​ളി​ൽ പ​കു​തി​യോ​ളം നീ​ക്കം​ചെ​യ്തു. ചാ​ർ​ദി​ങ് നാ​ല​യു​ടെ കി​ഴ​ക്ക് ഭാ​ഗ​ത്തേ​ക്ക് ഇ​ന്ത്യ​ൻ സൈ​ന്യം മാ​റി. ഉ​ഭ​യ​ക​ക്ഷി സം​ഭാ​ഷ​ണ​ത്തി​ന് ശേ​ഷം ഗ​ൽ​വാ​ൻ വാ​ലി, ഗോ​ഗ്​​ര ഹോ​ട്ട്സ്പ്രി​ങ്സ്, പാം​ഗോ​ങ് സോ ​എ​ന്നി​വി​ട​ങ്ങ​ളി​ൽ ചൈ​നീ​സ് സൈ​നി​ക വാ​ഹ​ന​ങ്ങ​ളു​ടെ എ​ണ്ണം കു​റ​ക്കു​ന്നു​മു​ണ്ട്. ഇ​രു രാ​ജ്യ​ങ്ങ​ളു​ടെ​യും സൈ​നി​ക​ർ നി​ര​ന്ത​രം ഉ​ര​സി​ക്കൊ​ണ്ടി​രു​ന്ന ഡെം​ചോ​കി​ലെ​യും ഡെ​പ്സാ​ങ്ങി​ലെ​യും പി​ന്മാ​റ്റം ഈ ​മാ​സം 29ഓ​ടെ പൂ​ർ​ത്തി​യാ​കു​മെ​ന്ന് സൈ​നി​ക വൃ​ത്ത​ങ്ങ​ൾ അ​റി​യി​ച്ചു.

അ​തേ​സ​മ​യം, 2020 ഏ​പ്രി​ലി​ന് മു​മ്പു​ള്ള പൂ​ർ​വ സ്ഥി​തി​യി​ലേ​ക്ക് കി​ഴ​ക്ക​ൻ ല​ഡാ​ക്കി​ലെ സൈ​നി​ക സാ​ന്നി​ധ്യം എ​ത്തി​ക്കു​മെ​ന്നാ​ണ് ഇ​രു രാ​ജ്യ​ങ്ങ​ളും ത​മ്മി​ലു​ള്ള ധാ​ര​ണ​യെ​ന്ന അ​വ​കാ​ശ​വാ​ദം ചോ​ദ്യം​ചെ​യ്ത് കോ​ൺ​ഗ്ര​സ് രം​ഗ​ത്തു​വ​ന്നു.