ന്യൂഡൽഹി: രാജ്യത്ത് 60 കോടി പേർക്ക് കോവിഡ് വാക്സിൻ നൽകാനുള്ള ഒരുക്കങ്ങൾ പുരോഗമിക്കുന്നു. അടുത്ത ആറ് മുതൽ എട്ട് മാസത്തിനുള്ളിലാവും വാക്സിൻ നൽകുക. ഇതിനായി കോൾഡ് സ്റ്റോറേജ് ഉൾപ്പടെയുള്ള സംവിധാനങ്ങൾ തയാറാക്കുകയാണ് ഇപ്പോൾ ചെയ്യുന്നത്.
രണ്ട് മുതൽ എട്ട് ഡിഗ്രി സെൽഷ്യസ് വരെ താപനിലയുള്ള കോൾഡ് സ്റ്റോറേജാണ് തയാറാവുന്നതെന്ന് വാക്സിൻ വിതരണത്തിൻെറ ചുമതലയുള്ള വി.കെ പോൾ പറഞ്ഞു . സെറം, ഭാരത്, സിഡുസ്, സ്ഫുട്നിക് തുടങ്ങിയ വാക്സിനുകൾ സൂക്ഷിക്കാൻ ഈ താപനില മതിയാവുമെന്നും അദ്ദേഹം പറഞ്ഞു. എന്നാൽ, ഇന്ത്യയിൽ അംഗീകാരത്തിനായി അപേക്ഷിച്ച ഫൈസർ വാക്സിൻ ഈ താപനിലയിൽ സൂക്ഷിക്കാനാവില്ല.
വൈകാതെ ഇന്ത്യയിൽ എതെങ്കിലുമൊരു കോവിഡ് വാക്സിന് അംഗീകാരം നൽകുമെന്ന റിപ്പോർട്ടുകളാണ് പുറത്ത് വരുന്നത്. പ്രതിദിനം ഒരു സ്ഥലത്ത് 100 പേർക്ക് വാക്സിൻ വിതരണം നടത്താൻ കഴിയുമെന്നാണ് പ്രതീക്ഷ. ആദ്യഘട്ടത്തിൽ ആശുപത്രികൾ കേന്ദ്രീകരിച്ചാണ് വാക്സിൻ വിതരണെമങ്കിൽ രണ്ടാം ഘട്ടത്തിൽ കമ്യൂണിറ്റി ഹാളുകളും മറ്റും കേന്ദ്രീകരിച്ച് വാക്സിൻ വിതരണം നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.