ന്യൂഡൽഹി: ബി.ജെ.പി ദേശീയ അധ്യക്ഷൻ അമിത് ഷായുടെ മകൻ ജെയ് ഷായുമായി ബന്ധപ്പെട്ട് വാർത്തകൾ നൽകുന്നതിന് വയറിന് ഏർപ്പെടുത്തിയ വിലക്ക് തുടരും. വിലക്ക് നീക്കണമെന്നാവശ്യപ്പെട്ട് വയർ നൽകിയ ഹരജി ഗുജറാത്ത് ഹൈകോടതി തള്ളി. വാർത്തകൾ നൽകുന്നത് വിലക്കിയ അഹമ്മദാബാദ് കോടതിയുടെ വിധിക്കെതിരെയാണ് വയർ മേൽക്കോടതിയെ സമീപിച്ചത്.
ജെയ്ഷായുടെ കമ്പനിയുടെ വരുമാനത്തിൽ വൻ വർധനയുണ്ടായെന്ന വാർത്തയാണ് വയർ പുറത്ത് വിട്ടത്. ഇതേ തുടർന്ന് പ്രതിപക്ഷ പാർട്ടികൾ ഒന്നടങ്കം ജെയ് ഷാക്കെതിരെ രംഗത്തെത്തിയിരുന്നു. പിന്നീട് ജെയ് ഷാ വയറിനെതിരെ 100 കോടി ആവശ്യപ്പെട്ട് മാനനഷ്ടകേസ് ഫയൽ ചെയ്യുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.