ശ്രീനഗർ: ജമ്മുകശ്മീരിൽ സുരക്ഷാസേനയും ഭീകരരും തമ്മിലുണ്ടായ ഏറ്റുമുട്ടലിൽ രണ്ട് പേർ കൊല്ലപ്പെട്ടു. ശ്രീനഗറിന് സമീപം ദാൻമർ മേഖലയിൽ വെള്ളിയാഴ്ച രാവിലെയാണ് ഏറ്റുമുട്ടലുണ്ടായത്.
ഭീകരർ ഒളിച്ചിരിക്കുന്നുവെന്ന രഹസ്യ വിവരത്തെ തുടർന്ന് ജമ്മുകശ്മീർ പൊലീസും സി.ആർ.പി.എഫും സംയുക്തമായി തെരച്ചിൽ നടത്തുകയായിരുന്നു. ദാൻമറിലെ അൽമാഡർ കോളനിയിലായിരുന്നു തെരച്ചിൽ. ഭീകരർ ഒളിച്ചിരിക്കുന്നുണ്ടെന്ന് സ്ഥിരീകരിച്ചതിനെ തുടർന്ന് സംയുക്തസേന മേഖല വളഞ്ഞു. കൂടുതൽ ഭീകരർക്കായി തെരച്ചിൽ തുടരുകയാണ്.
ബുധനാഴ്ച സൈന്യവുമായുണ്ടായ ഏറ്റുമുട്ടലിൽ മൂന്ന് ഭീകരർ കൊല്ലപ്പെട്ടിരുന്നു. പുൽവാമയിലാണ് ഏറ്റുമുട്ടൽ നടന്നത്. കൊല്ലപ്പെട്ടവരിൽ ഒരാൾ പാകിസ്താനി ലശ്കർ-ഇ-ത്വയിബ കമാൻഡറാണെന്നും സൈന്യം അറിയിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.