കമൽ ഹാസൻ
കാഞ്ചീപുരം (തമിഴ്നാട്): നടനും മക്കൾ നീതി മയ്യം അധ്യക്ഷനുമായ കമൽ ഹാസന് നേരെ ആക്രമണം. ഞായറാഴ്ച കാഞ്ചീപുരത്ത് തെരഞ്ഞെടുപ്പ് പ്രചാരണം കഴിഞ്ഞ് ഹോട്ടലിലേക്ക് മടങ്ങുന്നതിനിടെയാണ് സംഭവം.
കമലിന്‍റെ കാറിന്‍റെ ചില്ല് അക്രമി തകർത്തതായും ഇയാളെ പിടിച്ച് പൊലീസിൽ ഏൽപിച്ചതായും മക്കൾ നീതി മയ്യം നേതാവും റിട്ട. ഐ.പി.എസ് ഓഫിസറുമായ എ.ജി. മൗര്യ ട്വിറ്ററിലൂടെ അറിയിച്ചു. കമൽ ഹാസന് സംഭവത്തിൽ പരിക്കേറ്റിട്ടില്ലെന്നാണ് വിവരം. ഇത്തരം സംഭവങ്ങളിലൊന്നും തങ്ങൾ ഭയപ്പെടില്ലെന്ന് പാർട്ടി അധികൃതർ വ്യക്തമാക്കി.
മദ്യലഹരിലായിരുന്ന യുവാവിനെ എം.എൻ.എം പ്രവർത്തകരും നാട്ടുകാരും മർദ്ദിച്ചതിനെത്തുടർന്ന് പൊലീസ് ആശുപത്രിയിലെത്തിച്ചു. യുവാവിനെ പൊലീസ് അറസ്റ്റ് ചെയ്ത് കൊണ്ടുപോകുന്ന ദൃശ്യങ്ങൾ പ്രാദേശിക ചാനലുകൾ സംപ്രേഷണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.