ന്യൂഡല്‍ഹി: ലാവലിന്‍ കേസ് പരിഗണിക്കുന്നത് ഒരുമാസത്തേക്കു നീട്ടണമെന്നാവശ്യപ്പെട്ട് കെ.എസ്.ഇ.ബി മുന്‍ ഉദ്യോഗസ്ഥര് സുപ്രീംകോടതിയിൽ പ്രത്യേക അപേക്ഷ നല്‍കി. ലാവലിൻ കേസില്‍ മുഖ്യമന്ത്രി പിണറായി വിജയന്‍ അടക്കം മൂന്നുപേരെ കുറ്റവിമുക്തരാക്കിയ ഹൈകോടതി ഉത്തരവിനെതിരെ കസ്തൂരിരംഗ അയ്യരും ആർ. ശിവദാസനും നല്‍കിയ ഹരജികളാണ് ജസ്റ്റിസുമാരായ എൻ.വി. രമണയും അബ്ദുൽ നസീറും തിങ്കളാഴ്ച പരിഗണിക്കുന്നത്.
കഴിഞ്ഞതവണ കേസ് പരിഗണിച്ചപ്പോള്‍ ഹൈകോടതി ഉത്തരവിനെതിരെ സി.ബി.ഐ അപ്പീല്‍ സമര്‍പ്പിച്ചിട്ടുണ്ടെന്നും എല്ലാ ഹരജികളും ഒന്നിച്ചു പരിഗണിക്കണമെന്നും ആർ. ശിവദാസനുവേണ്ടി ഹാജരായ മുതിര്‍ന്ന അഭിഭാഷകന്‍ മുകുള്‍ റോഹതഗി ആവശ്യപ്പെട്ടിരുന്നു. കോടതി ഒരുമാസത്തേക്കു കേസ് നീട്ടുകയും ചെയ്തിരുന്നു. അതിനുശേഷവും സി.ബി.ഐ അപ്പീല്‍ സമര്‍പ്പിച്ച കാര്യത്തില്‍ വ്യക്തതയില്ലാതായതോടെയാണ് കേസ് വീണ്ടും നീട്ടണമെന്ന ആവശ്യവുമായി ഹരജിക്കാര്‍ കോടതിയെ സമീപിച്ചിരിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.