വൈരുധ്യങ്ങളിലൂടെ സഞ്ചരിച്ച മൻമോഹനോമിക്​സ്​

മൂന്നാം ലോക രാജ്യങ്ങളുടെ സഹകരണം വളർത്തുന്നതിനും സാമ്രാജ്യത്വ ചൂഷണം ​െചറുക്കാനുമായി രൂപംകൊണ്ട സൗത്ത്​ കമീഷ​െൻറ തലപ്പത്തിരുന്ന്​ മുതലാളിത്ത രാജ്യങ്ങളുടെ ചൂഷണങ്ങൾക്കെതിരെ ശബ്​ദിച്ച മൻമോഹൻ സിങ്​ എന്ന സാമ്പത്തിക വിദഗ്​ധൻ, ധനമന്ത്രിയായി ഇന്ത്യയിൽ തിരി​െച്ചത്തിയപ്പോൾ അതേ മുതലാളിത്ത നയങ്ങളുടെ കടുത്ത വക്താവായത്​ അമ്പരപ്പിക്ക​ുന്നതായിരുന്നു. എന്നാൽ, ധനമന്ത്രിപദം നഷ്​ടമായി പ്രതിപക്ഷത്ത്​​ എത്തിയപ്പോൾ ത​െൻറതന്നെ നയങ്ങളുടെ വിമർശകനുമായ വിരോധാഭാസവും അദ്ദേഹത്തിൽ പലരും ആരോപിക്കുകയുണ്ടായി. ഒടുവിൽ പ്രധാനമന്ത്രിപദത്തിൽ എത്തിയപ്പോൾ സമ്പൂർണ ഉദാരീകരണത്തി​െൻറയും സോഷ്യലിസത്തി​െൻറയും ഇടയിലുള്ള ഒരു വഴി അദ്ദേഹം തെരഞ്ഞെടുത്തതും രാജ്യം കണ്ടു.

മൻമോഹൻ സൗത്ത്​ കമീഷ​െൻറ സെക്രട്ടറി ജനറൽ ആയിരുന്നപ്പോൾ മുൻ താൻസനിയൻ പ്രധാനമന്ത്രിയും സോഷ്യലിസ്​റ്റുമായ ജൂലയാസ്​ നെയ്​രേര ആയിരുന്നു അധ്യക്ഷൻ. ലോക വ്യാപാരസംഘടയുടെ ഉറുഗ്വായ്​ വട്ട ചർച്ചകളുടെ സമയമായിരുന്നു അത്​. വികസ്വര രാജ്യങ്ങളുടെ നയങ്ങൾ അപ്പടി പൊളിച്ചെഴുതണമെന്ന ലോക വ്യാപാര സംഘടനയുടെ നയങ്ങൾക്കെതിരെ മൻമോഹനും നെയ്​രേരയും നിലകൊണ്ടു. സെക്രട്ടറി ജനറലി​െൻറ നേതൃത്വത്തിൽ 1990ൽ പൂർത്തിയായ സൗത്ത്​ കമീഷ​െൻറ റിപ്പോർട്ടിൽ, മൂന്നാംലോക രാജ്യങ്ങൾ സ്വാശ്രയ ജനകീയ നയങ്ങൾ പിന്തുടരണ​െമന്നും സാമ്രാജ്യത്വത്തിനെതിരെ മൂന്നാംലോകരാജ്യങ്ങൾ ഒന്നിച്ച്​ പോരാടണം എന്നെല്ലാമുള്ള ധീര നിലപാടുകളായിരുന്നു ഉണ്ടായിരുന്നത്​.

ജനീവയിൽ റിപ്പോർട്ടി​െൻറ പ്രസിദ്ധീകരണ സമയത്ത്​, മൻമോഹനെക്കുറിച്ച്​ ജൂലയാസ്​ നെയ്​രേര തന്നോടു പറഞ്ഞ വാക്കുകൾ വിദേശകാര്യ വിദഗ്​ധൻ നൈനാൻ കോശി ഒരിക്കൽ എഴുതിയിരുന്നു. ‘‘നിങ്ങൾക്ക്​ അഭിമാനിക്കാം. ഞാൻ ഏറ്റവും അധികം ബഹുമാനിക്കുന്ന സാമ്പത്തിക വിദഗ്​ധനാണ്​ ഡോ. സിങ്​. വികസ്വര രാഷ്​​ട്രങ്ങളുടെ പ്രശ്​നങ്ങൾ ഇത്രയും നന്നായി അറിയുന്ന വേറാരുമില്ല.’’ ഇതേ മൻമോഹനാണ്​, 1990ൽ പ്രധാനമന്ത്രി ച​ന്ദ്രശേഖറുടെ സാമ്പത്തിക ഉപദേഷ്​ടാവായി ഒളിഞ്ഞും പിന്നീട്​ വന്ന നരസിംഹറാവു സർക്കാറിലെ ധനമന്ത്രിയായി തെളിഞ്ഞും ഇന്ത്യൻ സമ്പദ്​ഘടനയെ സമൂല മുതലാളിത്തപാതയിൽ എത്തിച്ചത്​.