ന്യൂഡൽഹി: രാജ്യത്ത് കഴിഞ്ഞവർഷം പിടിച്ചെടുത്ത കള്ളനോട്ടുകളിൽ 60 ശതമാനവും 2,000 രൂപയുടെ കറൻസിയാണെന്ന് നാഷനൽ ക്രൈം റെക്കോർഡ് ബ്യൂറോ (എൻ.സി.ആർ.ബി) വാർഷിക റിപ്പോർട്ട്.
പ്രധാനമായും കള്ളനോട്ട് തടയാനാണ് 1000 രൂപ, 500 രൂപ നോട്ടുകൾ നിരോധിക്കുന്നതെന്നും 2,000 രൂപ നോട്ട് ഇറക്കുന്നതെന്നുമാണ് 2016 നവംബറിൽ പ്രധാനമന്ത്രി നരേന്ദ്ര മോദിയും റിസർവ് ബാങ്കും വിശദീകരിച്ചിരുന്നത്.
2021ൽ 20.39 കോടി കള്ളനോട്ടുകളാണ് പിടികൂടിയത്. ഇതിൽ 12.18 കോടി നോട്ടുകളും 2,000 രൂപയുടേതെന്നാണ് എൻ.സി.ആർ.ബി കണക്ക്. കള്ളനോട്ട് നിർമിക്കാൻ കഴിയാത്ത വിധം 2,000 രൂപ നോട്ടിൽ നിരവധി സവിശേഷതകൾ സർക്കാറും റിസർവ് ബാങ്കും അവകാശപ്പെട്ടിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.