ഭുവനേശ്വർ: ഒഡീഷ മുഖ്യമന്ത്രി നവീൻ പട്നായിക്കിന് വധഭീഷണി. വാടക കൊലയാളികളും ആയുധങ്ങളും സംസ്ഥാനത്ത് എത്തിക്കഴിഞ്ഞെന്നും ഏതു നിമിഷവും കൊല്ലപ്പെടാമെന്നും കത്തിൽ പറയുന്നു. ഇതോടെ മുഖ്യമന്ത്രിക്ക് സുരക്ഷ വർധിപ്പിക്കുകയും അന്വേഷണത്തിന് ഉത്തരവിടുകയും ചെയ്തു.
നിങ്ങളെ വധിക്കാൻ വാടക കൊലയാളികൾ എത്തിയിട്ടുണ്ട്. എ.കെ 47, സെമി ഓട്ടോമാറ്റിക് പിസ്റ്റളുകൾ എല്ലാം ഉപയോഗിക്കുന്ന ഇവർ പ്രൊഫഷണലുകളാണ്. ആയുധങ്ങളെല്ലാം സംസ്ഥാനത്ത് ഇതിനോടകം എത്തിക്കഴിഞ്ഞു. ഏതു നിമിഷവും നിങ്ങൾ കൊല്ലപ്പെട്ടേക്കാമെന്ന് മുന്നറിയിപ്പ് നൽകാൻ ആഗ്രഹിക്കുന്നു. ദയവായി സൂക്ഷിക്കുക ഇങ്ങിനെയായിരുന്നു കത്തിൽ.
അഞ്ചാം തീയതിയാണ് വധഭീഷണിയുമായി കത്ത് ലഭിച്ചത്. ഇതോടെ, മുഖ്യമന്ത്രിയുടെ വസതി, സെക്രട്ടേറിയറ്റ് എന്നിവിടങ്ങളിലെല്ലാം സുരക്ഷ വർധിപ്പിച്ചു. സംസ്ഥാന പൊലീസ് മേധാവി, ഇൻറലിജൻസ് ഡയറക്ടർ, ഭുവനേശ്വർ പൊലീസ് എന്നിവർക്കാണ് അന്വേഷണത്തിന് നിർദേശം നൽകിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.