അഹ്മദാബാദ്: ഗുജറാത്തിൽ എൻ.സി.പിയുടെ ഏക എം.എൽ.എയായിരുന്ന കാൻധൽ ജഡേജ പാർട്ടിയിൽനിന്ന് രാജിവെച്ചു. വരാനിരിക്കുന്ന തെരഞ്ഞെടുപ്പിൽ സീറ്റ് നിഷേധിച്ചതിനെ തുടർന്നാണ് രാജി. പാർട്ടി തീരുമാനമെടുക്കുന്നതിനു മുമ്പ് ഈ മാസം 11ന് ജഡേജ നാമനിർദേശ പത്രിക സമർപ്പിച്ചിരുന്നു. 2012ലും 2017ലും കുടിയാന മണ്ഡലത്തിൽനിന്ന് എൻ.സി.പി ടിക്കറ്റിൽ അദ്ദേഹം തിരഞ്ഞെടുക്കപ്പെട്ടിരുന്നു.
കഴിഞ്ഞ തവണ ബി.ജെ.പി, കോൺഗ്രസ് സ്ഥാനാർഥികളെ പരാജയപ്പെടുത്തിയാണ് കുടിയാനയിൽനിന്ന് ജഡേജ വിജയിച്ചുകയറിയത്. എന്നാൽ, ഇത്തവണ ഗുജറാത്തിൽ കോൺഗ്രസും എൻ.സി.പിയും തെരഞ്ഞെടുപ്പ് സഖ്യത്തിലാണ്. മൂന്നു സീറ്റുകൾ എൻ.സി.പിക്ക് കൊടുക്കണമെന്നായിരുന്നു ധാരണ.
ദേശീയ വൈസ് പ്രസിഡന്റ് പ്രഫുൽ പട്ടേലിൽനിന്ന് അനുവാദം ലഭിച്ചു എന്ന് അവകാശപ്പെട്ടാണ് ജഡേജ കുടിയാനയിൽ പത്രിക സമർപ്പിച്ചത്. എന്നാൽ, തെരഞ്ഞെടുപ്പ് ധാരണയുടെ അടിസ്ഥാനത്തിൽ കോൺഗ്രസ് ഇവിടെനിന്ന് നാമനിർദേശ പത്രിക സമർപ്പിക്കുകയായിരുന്നു. ഇതോടെയാണ് ജഡേജ രാജി പ്രഖ്യാപിച്ചത്. അദ്ദേഹം സ്വതന്ത്രനായി മത്സരിക്കുമെന്നാണ് വിവരം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.