ഒറ്റ തെരഞ്ഞെടുപ്പിനെ എതിർത്ത് ജയറാം രമേശ്

ചെന്നൈ: ഒ​റ്റ തെ​ര​​ഞ്ഞെ​ടു​പ്പിലൂടെ ലോ​ക്​​സ​ഭ​ാ, നി​യ​മ​സ​ഭ​ാ അംഗങ്ങളെ തെ​ര​ഞ്ഞെ​ടു​ക്കുന്നതിനെ എതിർത്ത് മുതിർന്ന കോൺഗ്രസ് നേതാവ് ജയറാം രമേശ്. പിന്തുടരുന്ന രീതിയിൽ പെട്ടെന്നുണ്ടാകുന്ന മാറ്റം തെരഞ്ഞെടുപ്പ് രീതിയെ തകർക്കുമെന്നും 
അദ്ദേഹം അഭിപ്രായപ്പെട്ടു. 

ഭരണകർത്താക്കളെ വിലയിരുത്താനുള്ള അവകാശം ഒറ്റ തെരഞ്ഞെടുപ്പിലൂടെ റദ്ദാകും. ഇതുവഴി ഒരാളെ തെരഞ്ഞെടുത്താൽ അടുത്ത അഞ്ച് വർഷത്തേക്ക് നിങ്ങൾക്ക് മിണ്ടാനാവില്ല. നമ്മുടെ ശബ്ധം തെരഞ്ഞെടുപ്പിലൂടെയാണ് പ്രകടിപ്പിക്കാനാവുകയെന്നും ജയറാം രമേശ് പറഞ്ഞു.  

അതേസമയം, ഒ​റ്റ തെ​ര​​ഞ്ഞെ​ടു​പ്പിനെ സമാജ് വാദി പാർട്ടി (എസ്.പി)യും തെലങ്കാന രാഷ്ട്രസമിതി (ടി.ആർ.എസ്)യും അനുകൂലിച്ചിരുന്നു. എന്നാൽ തൃ​ണ​മൂ​ൽ കോ​ൺ​ഗ്ര​സ്, എ.​െ​എ.​എ.​ഡി.​എം.​കെ, സി.​പി.​െ​എ, മു​സ്​​ലിം​ലീ​ഗ്, ബി.​ജെ.​പി​യു​ടെ സ​ഖ്യ​ക​ക്ഷി​യാ​യ ഗോ​വ ഫോ​ർ​വേ​ഡ്​ പാ​ർ​ട്ടി എന്നീ പാർട്ടികൾ ഈ ആ​ശ​യ​ത്തോ​ട്​ ശ​ക്ത​മാ​യ വി​യോ​ജി​പ്പ്​ രേ​ഖ​പ്പെ​ടു​ത്തിയിരുന്നു. 

കേ​ന്ദ്ര-​സം​സ്​​ഥാ​ന തെ​ര​ഞ്ഞെ​ടു​പ്പു​ക​ൾ ഒ​രു​മി​പ്പി​ക്കു​ന്ന​തി​ന്​ വ​ൻ സാ​മ്പ​ത്തി​ക ബാ​ധ്യ​ത വ​രു​മെ​ന്ന്​ തെ​ര​ഞ്ഞെ​ടു​പ്പ്​ ക​മീ​ഷ​ൻ വ്യ​ക്ത​മാ​ക്കിയിരുന്നു. പു​തി​യ നി​ർ​ദേ​ശം ന​ട​പ്പാ​ക്കു​േ​മ്പാ​ൾ ഇ​ല​ക്​​ട്രോ​ണി​ക്​ വോ​ട്ട്​​ യ​ന്ത്ര​ങ്ങ​ൾ​ക്കും രേ​ഖ​പ്പെ​ടു​ത്തി​യ വോ​ട്ടി​​​​െൻറ സ്ലി​പ്​ ന​ൽ​കു​ന്ന വി​വി​പാ​റ്റു​ക​ൾ​ക്കു​മാ​യി 4555 കോ​ടി രൂപചെ​ല​വി​ടേ​ണ്ടി വ​രു​മെ​ന്നും​ ഒ​റ്റ​തെ​ര​ഞ്ഞെ​ടു​പ്പ്​ നി​ർ​ദേ​ശ​ത്തി​ൽ ക​മീ​ഷ​ൻ അ​റി​യി​ച്ചു.