ലോക്​സഭ സ്തബ്ധമായ നിമിഷങ്ങൾ...

ലോ​ക്സ​ഭ​യി​ൽ ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ത് സ​ഭ​യു​ടെ പ്ര​സ് ഗ്യാ​ല​റി​യി​ലി​രു​ന്ന് നേ​രി​ൽ ക​ണ്ട മാ​ധ്യ​മം ചീ​ഫ് റി​പ്പോ​ർ​ട്ട​ർ ഹ​സ​നു​ൽ ബ​ന്ന​യു​ടെ സം​ഭ​വ വി​വ​ര​ണം

സാ​ധാ​ര​ണ ഉ​ച്ച​ഭ​ക്ഷ​ണ​ത്തി​ന് പി​രി​യാ​റു​ള്ള ഒ​രു​മ​ണി ക​ഴി​ഞ്ഞും ന​ട​പ​ടി​ക​ൾ തു​ട​രു​ക​യാ​ണെ​ന്ന് ക​ണ്ട​തോ​ടെ പ​ല അം​ഗ​ങ്ങ​ളും പ​ര​സ്പ​രം കു​ശ​ലാ​ന്വേ​ഷ​ണ​ങ്ങ​ളി​ലും സൗ​ഹൃ​ദ​സം​ഭാ​ഷ​ണ​ങ്ങ​ളി​ലു​മേ​ർ​പ്പെ​ട്ടി​രി​ക്കു​ക​യാ​ണ്. കോ​ൺ​ഗ്ര​സ് സ​ഭാ നേ​താ​വ് അ​ധി​ർ​ര​ഞ്ജ​ൻ ചൗ​ധ​രി​ക്ക് പി​ന്നി​ൽ പ്ര​തി​പ​ക്ഷ ബെ​ഞ്ചി​ലെ ര​ണ്ടാം നി​ര​യി​ൽ രാ​ഹു​ൽ ഗാ​ന്ധി​യും ഡി.​എം.​കെ നേ​താ​വ് ക​നി​മൊ​ഴി​യും സം​സാ​രി​ച്ചു​കൊ​ണ്ടി​രി​ക്കു​ന്നു. ഭ​ര​ണ​പ​ക്ഷ ബെ​ഞ്ചി​ന്റെ ര​ണ്ടാം നി​ര​യി​ൽ നി​ര​വ​ധി കേ​ന്ദ്ര​മ​ന്ത്രി​മാ​ർ ഇ​രി​പ്പു​ണ്ട്. പ്ര​തി​രോ​ധ മ​ന്ത്രി രാ​ജ്നാ​ഥ് സി​ങ് മു​ൻ​നി​ര​യി​ലേ​ക്ക് വ​ന്നി​രു​ന്ന​തേ​യു​ള്ളൂ. ഇ​ക്ക​ഴി​ഞ്ഞ രാ​ജ​സ്ഥാ​ൻ നി​യ​മ​സ​ഭ തെ​ര​ഞ്ഞെ​ടു​പ്പി​ൽ ജ​യി​ച്ച് എം.​എ​ൽ.​എ​യാ​യ രാ​ഷ്ട്രീ​യ ലോ​ക് താ​ന്ത്രി​ക് പാ​ർ​ട്ടി നേ​താ​വ് ഹ​നു​മാ​ൻ ബെ​നി​വാ​ൾ എം.​പി സ്ഥാ​നം രാ​ജി​വെ​ക്കു​ന്ന​തി​ന് മു​മ്പാ​യി ഓ​രോ​രു​ത്ത​രെ​യും ക​ണ്ട് യാ​ത്ര പ​റ​യു​ന്നു. ഈ ​സ​മ​യ​ത്താ​ണ് സ​ന്ദ​ർ​ശ​ക​ർ​ക്കു​ള്ള നാ​ലാം ന​മ്പ​ർ ഗാ​ല​റി​യി​ൽ​നി​ന്ന് ആ​ദ്യ​ത്തെ അ​ക്ര​മി (ഉ​ത്ത​ർ​പ്ര​ദേ​ശു​കാ​ര​നാ​യ സാ​ഗ​ർ ശ​ർ​മ) എം.​പി​മാ​രു​ടെ ബെ​ഞ്ചി​ലേ​ക്ക് ചാ​ടി​വീ​ഴു​ന്ന​ത്.

അ​ക്ര​മി​ക​ൾ ചാ​ടി​വീ​ണ​ത് ഗാ​ല​റി​യി​ൽ​നി​ന്ന്

ഹ​ർ​ഡി​ൽ​സ് താ​ണ്ടി​ക്ക​ട​ക്കു​ന്ന കാ​യി​ക​താ​ര​ത്തെ​പോ​ലെ അ​സാ​മാ​ന്യ മെ​യ്‍വ​ഴ​ക്ക​ത്തോ​ടെ എം.​പി​മാ​രു​ടെ ബെ​ഞ്ചു​ക​ളോ​രോ​ന്നാ​യി ചാ​ടി​ക്ക​ട​ക്കു​ക​യാ​ണ്. ഉ​ച്ച​ഭ​ക്ഷ​ണ സ​മ​യ​മാ​യ​തി​നാ​ൽ പ​ല അം​ഗ​ങ്ങ​ളും സ​ഭ​യി​ലി​ല്ലാ​തി​രു​ന്ന​തി​നാ​ൽ ഇ​രി​പ്പി​ട​ങ്ങ​ൾ അ​നാ​യാ​സം ചാ​ടി​ക്ക​ട​ന്ന് ലോ​ക്സ​ഭ​യു​ടെ മു​​ൻ​ഭാ​ഗ​​ത്തേ​ക്ക് കു​തി​ച്ചു. അ​മ്പ​ര​ന്ന എം.​പി​മാ​ർ ​ഭ​ര​ണ പ്ര​തി​പ​ക്ഷ ഭേ​ദ​മ​ന്യേ ‘പി​ടി​യ​വ​നെ’ എ​ന്ന് പ​റ​ഞ്ഞ് പി​ടി​ക്കാ​നാ​യി ആ ​നി​ര​യി​ലെ ബെ​ഞ്ച് വ​ള​യു​മ്പോ​ഴും സ​ഭാ​ത​ളം ല​ക്ഷ്യ​മാ​ക്കി സാ​ഗ​ർ ശ​ർ​മ മു​ന്നോ​ട്ട് നീ​ങ്ങി. ദാ​ദ്ര ന​ഗ​ർ ഹ​വേ​ലി എം.​പി ക​ലാ​ബെ​ൻ ദെ​ൽ​ക​റി​ന്റെ ബെ​ഞ്ചി​ൽ ചാ​ടി​യെ​ത്തി​യ സാ​ഗ​ർ ശ​ർ​മ​യെ തൊ​ട്ടു​മു​ന്നി​ലു​ണ്ടാ​യി​രു​ന്ന ന​ല്ല പൊ​ക്ക​മു​ള്ള ഹ​നി​മാ​ൻ ബെ​നി​വാ​ൾ ക​ട​ന്നു​പി​ടി​ച്ചെ​ങ്കി​ലും അ​​ക്ര​മി കു​ത​റി. അ​തോ​ടെ ബെ​നി​വാ​ളും കോ​ൺ​ഗ്ര​സ് എം.​പി ഗു​ർ​ജി​ത് സി​ങ്ങും സാ​ഗ​റി​നെ അ​ടി​ച്ച് ബെ​ഞ്ചി​ലേ​ക്ക് വീ​ഴ്ത്തി. അ​പ്പോ​ഴേ​ക്കും കോ​ൺ​ഗ്ര​സി​ലെ ഗു​ർ​ജി​ത് സി​ങ്, ശി​വ​സേ​ന ഉ​ദ്ധ​വ് താ​ക്ക​റെ വി​ഭാ​ഗം നേ​താ​വ് അ​ര​വി​ന്ദ് സാ​വ​ന്ത്, ബി.​ജെ.​പി​ക്കാ​രാ​യ എ​സ്.​എ​സ്. അ​ഹ്‍ലു​വാ​ലി​യ, ആ​ർ.​കെ. സി​ങ് പ​ട്ടേ​ൽ തു​ട​ങ്ങി ഒ​രു ഡ​സ​നി​ലേ​റെ എം.​പി​മാ​ർ സാ​ഗ​റി​നെ വ​ള​ഞ്ഞി​രു​ന്നു. ‘താ​നാ ശാ​ഹി ന​​ഹി ച​ലേ​ഗി’ (ഏ​കാ​ധി​പ​ത്യം ന​ട​പ്പി​ല്ല) എ​ന്ന് അ​യാ​ൾ വി​ളി​ച്ചു​പ​റ​ഞ്ഞു​കൊ​ണ്ടി​രു​ന്നു.

ഒ​ന്നാ​മ​ന് പി​ന്നാ​ലെ ഊ​ർ​ന്നി​റ​ങ്ങി ര​ണ്ടാ​മ​ൻ

ഇ​തേ​നേ​ര​ത്ത് പി​റ​കി​ൽ ര​ണ്ടാ​മ​ൻ ക​ർ​ണാ​ട​ക​യി​ലെ മ​നോ​ര​ഞ്ജ​ൻ വ​ള​രെ സാ​വ​കാ​ശം സ​ന്ദ​ർ​ശ​ക ഗാ​ല​റി​യു​ടെ സ്വ​ർ​ണ​നി​റ​ത്തി​ലു​ള്ള കൈ​വ​രി​യി​ൽ പി​ടി​ച്ച് തൂ​ങ്ങി സ​ഭ​യി​ലേ​ക്ക് ഊ​ർ​ന്നി​റ​ങ്ങു​ന്നു​ണ്ടാ​യി​രു​ന്നു. 12 അ​ടി​യോ​ളം താ​ഴ്ച​യി​ലേ​ക്ക് ആ​ദ്യം ചാ​ടാ​ൻ മ​ടി​ച്ച് തൂ​ങ്ങി​നി​ന്ന മ​നോ​ര​ഞ്ജ​നെ മൂ​ന്നാ​മ​തൊ​രാ​ൾ ഗാ​ല​റി​യി​യി​ൽ​നി​ന്ന് കൈ​കൊ​ടു​ത്തി​റ​ക്കു​ക​യാ​ണ് ചെ​യ്ത​ത്. ‘താ​നാ ശാ​ഹി ന​​ഹി ച​ലേ​ഗി’(​ഏ​കാ​ധി​പ​ത്യം ന​ട​പ്പി​ല്ല) എ​ന്ന് ഉ​ച്ച​ത്തി​ൽ വി​ളി​ച്ച് ര​ണ്ടാ​മ​തി​റ​ങ്ങി​യ മ​​നോ​ര​ഞ്ജ​നാ​ണ് ഷൂ​സി​നു​ള്ളി​ൽ ഒ​ളി​പ്പി​ച്ച ‘വ​ർ​ണ​പ്പു​ക​ത്തോ​ക്ക്’ പു​റ​ത്തെ​ടു​ത്ത് ആ​ദ്യം പൊ​ട്ടി​ച്ച​ത്. ആ​ദ്യ​ത്തെ അ​ക്ര​മി​യെ പി​ടി​കൂ​ടാ​നു​ള്ള ശ്ര​ദ്ധ​യി​ലാ​യി​രു​ന്ന എം.​പി​മാ​ർ സ​ഭ​യാ​കെ പു​ക നി​റ​യു​ന്ന​ത് ക​ണ്ടാ​ണ് പി​റ​കി​ലു​മൊ​രാ​ൾ അ​തി​ക്ര​മി​ച്ചു ക​യ​റി​യ​ത് ക​ണ്ട​ത്. അ​തോ​ടെ ചി​ല എം.​പി​മാ​ർ ര​ണ്ടാ​മ​നെ പി​ടി​ക്കാ​ൻ പി​റ​കി​ലേ​ക്കോ​ടി. അ​പ്പോ​ഴും ആ​ദ്യം ചാ​ടി വീ​ണ സാ​ഗ​ർ കീ​ഴ​ട​ങ്ങാ​ൻ കൂ​ട്ടാ​ക്കി​യി​രു​ന്നി​ല്ല. രാ​ഹു​ൽ ഗാ​ന്ധി​യു​ടെ​യും രാ​ജ്നാ​ഥ് സി​ങ്ങി​ന്റെ​യും ഇ​രി​പ്പി​ട​ങ്ങ​ളി​ലേ​ക്കും സ്പീ​ക്ക​റു​ടെ ചേം​ബ​റി​ലേ​ക്കു​മെ​ത്താ​ൻ അ​ൽ​പം ദൂ​രം കൂ​ടി മാ​ത്രം ബാ​ക്കി​യി​രി​ക്കെ​യാ​യി​രു​ന്നു ആ​ദ്യം ചാ​ടി​യ സാ​ഗ​റി​നെ പി​ടി​കൂ​ടി​യ​ത്.

ദേ​ശ​ഭ​ക്ത​നാ​യ​തി​നാ​ൽ ത​ന്നെ ഉ​പ​ദ്ര​വി​ക്ക​രു​തെ​ന്ന് സാ​ഗ​ർ

വീ​ണി​ട​ത്തു​നി​ന്ന് വീ​ണ്ടും എ​ഴു​ന്നേ​റ്റ് അ​ടു​ത്ത ബെ​ഞ്ചി​ലേ​ക്ക് ചാ​ടി​ക്ക​യ​റി​യ സാ​ഗ​ർ ശ​ർ​മ ത​ന്റെ ഷൂ​വി​നു​ള്ളി​ൽ ഒ​ളി​പ്പി​ച്ച ‘പു​ക​ത്തോ​ക്ക്’ പു​റ​​ത്തെ​ടു​ത്ത് അ​തി​ന്റെ​യും അ​ട​പ്പൂ​രി. അ​തോ​ടെ സ​ഭ​യാ​കെ ഒ​രു​ത​രം മ​ണ​മു​ള്ള വ​ർ​ണ​പ്പു​ക മൂ​ടി. മ​ഞ്ഞ​യും പ​ച്ച​യും നീ​ല​യും ചു​വ​പ്പും ക​ല​ർ​ന്ന പു​ക​യി​ൽ പ​ല എം.​പി​മാ​ർ​ക്കും ശ്വാ​സം​മു​ട്ടു​ക​യും പ​ല എം.​പി​മാ​ർ​ക്കും ഒ​ന്നും കാ​ണാ​നാ​കാ​തെ വ​രി​ക​യും ചെ​യ്തു. അ​തോ​ടെ തു​റ​ന്നു​വി​ട്ട​ത് എ​ന്തോ അ​പ​ക​ട​ക​ര​മാ​യ രാ​സ​വ​സ്തു​വാ​ണെ​ന്ന് ക​രു​തി എം.​പി​മാ​ർ പ​ല​രും ഭ​യ​ന്ന് പു​റ​ത്തേ​ക്കോ​ടി.

എ​ന്താ​ണ് സം​ഭ​വി​ക്കു​ന്ന​തെ​ന്ന് മ​ന​സ്സി​ലാ​കാ​തെ വ​നി​ത​ക​ളും മു​തി​ർ​ന്ന​വ​രും സ​ഭ​ക്കു​ള്ളി​ൽ​നി​ന്ന് പു​റ​ത്തേ​ക്ക് നീ​ങ്ങി. ആ​ദ്യം ചാ​ടി​യ സാ​ഗ​റി​നെ അ​ടി​ച്ചും തൊ​ഴി​ച്ചും എം.​പി​മാ​ർ ബ​ലം പ്ര​യോ​ഗി​ച്ച് കീ​ഴ്പ്പെ​ടു​ത്തു​മ്പോ​ൾ താ​ൻ ദേ​ശ​ഭ​ക്ത​നാ​ണെ​ന്നും ഉ​പ​ദ്ര​വി​ക്ക​രു​തെ​ന്നും അ​യാ​ൾ വി​ളി​ച്ചു​പ​റ​യു​ന്നു​ണ്ടാ​യി​രു​ന്നു. ഇ​തെ​ന്ത് ദേ​ശ​ഭ​ക്തി​യാ​ണെ​ന്ന് ചോ​ദി​ച്ച് ചു​റ്റു​മു​ള്ള എം.​പി​മാ​ർ വീ​ണ്ടു​മി​ടി​ച്ചു. തു​ട​ർ​ന്ന് സാ​ഗ​റി​നെ ര​ണ്ടാ​മ​ത് പി​റ​കി​ൽ​നി​ന്ന് പി​ടി​ച്ച മ​നോ​ര​ഞ്ജ​ന് അ​ടു​ത്തേ​ക്ക് കൊ​ണ്ടു​പോ​യി ഇ​രു​വ​രെ​യും ഒ​രു​മി​ച്ച് കൈ​കാ​ര്യം ചെ​യ്താ​ണ് എം.​പി​മാ​ർ സു​ര​ക്ഷാ സൈ​നി​ക​ർ​ക്ക് കൈ​മാ​റി​യ​ത്. പ്ര​തി​ഷേ​ധി​ക്കാ​നു​ള്ള അ​വ​കാ​ശം വ​ക​വെ​ച്ചു​ത​ര​ണ​മെ​ന്ന് മ​നോ​ര​ഞ്ജ​ൻ പ​റ​യു​ന്നു​ണ്ടാ​യി​രു​ന്നു.

പു​റ​ത്തെ പ്ര​തി​ഷേ​ധം ക​ഴി​ഞ്ഞ് അ​ക​ത്ത് ത​നി​യാ​വ​ർ​ത്ത​നം

പാ​ർ​ല​മെ​ന്റി​നു​ള്ളി​ൽ ഇ​ത്ര​യും ന​ട​ക്കു​ന്ന​തി​ന് അ​ര​മ​ണി​ക്കൂ​ർ മു​മ്പാ​ണ് ഇ​തേ സം​ഘ​ത്തി​ൽ​പെ​ട്ട ര​ണ്ടു​പേ​ർ പാ​ർ​ല​മെ​ന്റ് ക​വാ​ട​ത്തി​ന് മു​മ്പി​ൽ ഇ​തേ പ്ര​തി​ഷേ​ധം പു​ക​ത്തോ​ക്ക് പൊ​ട്ടി​ച്ച് ന​ട​ത്തി​യ​ത്. അ​ര​മ​ണി​ക്കൂ​ർ ക​ഴി​ഞ്ഞ് അ​ക​ത്ത് സ​മാ​ന സം​ഭ​വം ആ​വ​ർ​ത്തി​ച്ച​ത് അ​തീ​വ ഗു​രു​ത​ര​മാ​യ സു​ര​ക്ഷാ വീ​ഴ്ച​യാ​യി. ഭാ​ര​ത് മാ​താ കീ ​ജ​യ്, ജ​യ് ഭീം, ​ജ​യ് ഭാ​ര​ത്, ഏ​കാ​ധി​പ​ത്യം ന​ട​പ്പി​ല്ല എ​ന്നീ മു​ദ്ര​വാ​ക്യ​ങ്ങ​ളു​മാ​യി ഉ​ച്ച​ക്ക് 12.33ന് ​ട്രാ​ൻ​സ്​​പോ​ർ​ട്ട് ഭ​വ​ന് മു​ന്നി​ൽ​നി​ന്ന് പാ​ർ​ല​മെ​ന്റ് ക​വാ​ട​ത്തി​ലേ​ക്ക് നീ​ങ്ങു​ന്ന​തി​നി​ട​യി​ൽ ഹി​സാ​റി​ൽ​നി​ന്നു​ള്ള നീ​ല​വും മ​ഹാ​രാ​ഷ്​​ട്ര​യി​ൽ​നി​ന്നു​ള്ള അ​മോ​ൾ ഷി​ൻ​​ഡെ​യും പി​ടി​യി​ലാ​യി അ​ര​മ​ണി​ക്കൂ​​ർ ക​ഴി​ഞ്ഞാ​ണ് സാ​ഗ​ർ ശ​ർ​മ​യും മ​​നോ​ര​ഞ്ജ​നും ലോ​ക്സ​ഭ​യി​ൽ ക​യ​റി ഭീ​ക​രാ​ന്ത​രീ​ക്ഷം സൃ​ഷ്ടി​ച്ച​ത്.

അ​ടി​യും തൊ​ഴി​യു​മേ​റ്റി​ട്ടും കൂ​സ​ലി​ല്ലാ​തെ

ഭ​ര​ണ, പ്ര​തി​പ​ക്ഷ എം.​പി​മാ​ർ ഇ​രു​വ​രെ​യും അ​ടി​ച്ചും തൊ​ഴി​ച്ചും നേ​രി​ട്ടി​ട്ടും ഒ​രു കൂ​സ​ലു​മി​ല്ലാ​തെ ഇ​രു​വ​രും എ​ല്ലാം നി​ശ്ച​യി​ച്ചു​റ​പ്പി​ച്ച ഭാ​വ​ത്തി​ലാ​യി​രു​ന്നു. എം.​പി​മാ​ർ സ​ന്ദ​ർ​ശ​ക പാ​സ് പി​ടി​ച്ചെ​ടു​ത്ത​പ്പോ​ൾ ബി.​എ​സ്.​പി ഈ​യി​ടെ പു​റ​ത്താ​ക്കി​യ എം.​പി ഡാ​നി​ഷ് അ​ലി അ​ത് കാ​മ​റ​യി​ൽ പ​ക​ർ​ത്തി. പാ​സി​ന്റെ ചി​ത്രം ഉ​ട​ൻ മാ​ധ്യ​മ​ങ്ങ​ളെ കാ​ണി​ച്ച ഡാ​നി​ഷ് അ​ലി​യാ​ണ് അ​ക്ര​മി​ക​ൾ​ക്ക് പ്ര​വേ​ശ​ന പാ​സ് ന​ൽ​കി​യ​ത് ബി.​ജെ.​പി​യു​ടെ മൈ​സൂ​ർ എം.​പി പ്ര​താ​പ് സിം​ഹ​യാ​ണെ​ന്നും അ​വ​രി​ലൊ​രാ​ളു​ടെ പേ​ര് സാ​ഗ​ർ ശ​ർ​മ​യാ​ണെ​ന്നു​മു​ള്ള വി​വ​രം വെ​ളി​പ്പെ​ടു​ത്തി​യ​ത്.

അ​ക്ര​മി​ക​ൾ​ക്ക് പാ​സ് ന​ൽ​കി​യ​ത് ഒ​രു പ്ര​തി​പ​ക്ഷ എം.​പി​യാ​കു​ക​യും അ​തൊ​രു മു​സ്‍ലി​മാ​കു​ക​യും ചെ​യ്തി​രു​ന്നെ​ങ്കി​ൽ രാ​ജ്യം ക​ത്തു​മാ​യി​രു​ന്നെ​ന്നും ബി.​ജെ.​പി എം.​പി ആ​യ​തി​നാ​ൽ ആ​ർ​ക്കു​മൊ​രു കു​ഴ​പ്പ​വു​മു​ണ്ടാ​യി​ല്ലെ​ന്നും പാ​ർ​ല​മെ​ന്റി​ന് പു​റ​ത്ത് സി.​പി.​ഐ​യി​​ലെ ബി​നോ​യ് വി​ശ്വം പ​റ​യു​ക​യും ചെ​യ്തു.

ഇ​തെ​ല്ലാം ന​ട​ക്കു​മ്പോ​ൾ സ​ഭ നി​യ​ന്ത്രി​ച്ചു​കൊ​ണ്ടി​രു​ന്ന ബി.​ജെ.​പി എം.​പി രാ​​ജേ​ന്ദ്ര അ​ഗ​ർ​വാ​ൾ എ​ന്തു ചെ​യ്യ​ണ​മ​റി​യാ​തെ സ്ത​ബ്ധ​നാ​യി നി​ൽ​ക്കു​ക​യാ​യി​രു​ന്നു. ശൂ​ന്യ​വേ​ള​യി​ൽ സം​സാ​രി​ച്ചു​കൊ​ണ്ടി​രു​ന്ന ഖ​ഗ​ൻ മു​ർ​മു​വി​ന്റെ സം​സാ​രം ത​ട​സ്സ​പ്പെ​ട്ടി​ട്ടും സ​ഭാ ന​ട​പ​ടി​ക​ൾ നി​ർ​ത്തി​വെ​ക്കാ​ൻ​പോ​ലും മ​റ​ന്ന് അ​ദ്ദേ​ഹം ഇ​രി​പ്പി​ട​ത്തി​ൽ തു​ട​ർ​ന്നു.

എ​ല്ലാ​മൊ​ടു​ങ്ങി അ​ക്ര​മി​ക​ളെ ലോ​ക്സ​ഭ​യു​ടെ വാ​തി​ലി​ന​പ്പു​റം ക​ട​ത്തി​യ ശേ​ഷ​മെ​ത്തി​യ സ്പീ​ക്ക​ർ ഓം ​ബി​ർ​ള വ​ന്ന് അ​ധ്യ​ക്ഷ​സ്ഥാ​നം ഏ​റ്റെ​ടു​ത്ത് സ​ഭ പി​രി​യു​ക​യാ​ണെ​ന്ന് അ​റി​യി​ച്ചു. വ​ലി​യ സു​ര​ക്ഷാ വീ​ഴ്ച​ക്ക് ശേ​ഷ​വും സ​ഭാ ന​ട​പ​ടി​യു​മാ​യി ഉ​ച്ച​ക്കു​ശേ​ഷ​വും സ്പീ​ക്ക​ർ ഓം ​ബി​ർ​ള മു​ന്നോ​ട്ട് പോ​യ​ത് പ്ര​തി​പ​ക്ഷ​ത്തെ അ​മ്പ​ര​പ്പി​ച്ചു. പ്ര​തി​പ​ക്ഷം പ്ര​തി​ഷേ​ധി​ച്ച് സ​ഭ സ്തം​ഭി​പ്പി​ച്ച​ശേ​ഷം സ്പീ​ക്ക​ർ സ​ർ​വ​ക​ക്ഷി യോ​ഗ​വും സു​ര​ക്ഷാ ​അ​വ​ലോ​ക​ന യോ​ഗ​വും വി​ളി​ച്ചു​ചേ​ർ​ത്തു.