ന്യൂഡൽഹി: തെരഞ്ഞെടുപ്പ് വിജയത്തിൻെറ നന്ദിയറിയിക്കാനായി ബലാൽസംഗ കേസിലെ പ്രതിയെ ജയിലിൽ സന്ദർശിച്ച് സാക്ഷി മഹാരാജ് എം.പി. ബി.ജെ.പി നേതാവും ഉന്നാവോ ബലാൽസംഗ കേസിലെ പ്രതിയുമായ കുൽദീപ് സിങ് സെങ്ങാറിനെയാണ് സാക്ഷി മഹാര ാജ് ജയിലിലെത്തി സന്ദർശിച്ചത്.
സെങ്ങാർ ദീർഘകാലമായി ജയിലിലാണ്. ബി.ജെ.പിയുടെ പ്രശ്സതനായ എം.എ.എമാരിലൊരാളാണ് അദ്ദേഹം. തെരഞ്ഞെടുപ്പിന് ശേഷം നന്ദിയറിയിക്കാനാണ് അദ്ദേഹത്തെ കാണാനെത്തിയതെന്നും സാക്ഷി മഹാരാജ് പറഞ്ഞു.
ഐ.പി.സി സെക്ഷൻ 120ബി, 363,366,376(1),506 വകുപ്പുകൾ പ്രകാരമാണ് സി.ബി.ഐ സെങ്ങാറിനെതിരെ കേസെടുത്തിരിക്കുന്നത്. ഇതിന് പുറമേ പോക്സോ ആക്ടിലെ വകുപ്പുകളും ചേർത്തിട്ടുണ്ട്. ജോലി വാഗ്ദാനം ചെയ്ത് എം.എൽ.എ വസതിയിൽവെച്ച് പീഡിപ്പിച്ചുവെന്ന പ്രായപൂർത്തിയാകാത്ത പെൺകുട്ടിയുടെ പരാതിയുടെ അടിസ്ഥാനത്തിലാണ് എം.എ.എക്കെതിരെ കേസെടുത്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.