ന്യൂഡൽഹി: ബി.ജെ.പി എം.പിയും സിനിമാതാരവുമായ ശത്രുഘ്നൻ സിൻഹ കോൺഗ്രസ് അധ്യക്ഷൻ രാഹുൽ ഗാന്ധിയുമായി കൂടിക്കാഴ് ച നടത്തി. രാഹുൽ ഗാന്ധിയുടെ വസതിയിലായിരുന്നു കൂടിക്കാഴ്ച. താൻ ഉടൻ തന്നെ േകാൺഗ്രസിൽ ചേരുമെന്ന് കൂടിക്കാഴ് ചക്ക് ശേഷം അദ്ദേഹം വ്യക്തമാക്കി.
ഉടൻ തന്നെ കോൺഗ്രസിൽ ചേരും. നവരാത്രി സമയത്ത് ഞങ്ങൾ നിങ്ങൾക്ക് പോസിറ്റീവായ ഒരു വാർത്ത തരും. ഞാനിപ്പോൾ കോൺഗ്രസിൽ ചേരുന്നു എന്നതായിരിക്കും ആ വാർത്തയെന്നും സിൻഹയുടെ വാക്കുകൾ ഉദ്ധരിച്ച് ദേശീയ വാർത്താ ഏജൻസിയായ എ.എൻ.ഐ റിപ്പോർട്ട് ചെയ്തു.
ശത്രുഘ്നൻ സിൻഹ ഏപ്രിൽ ആറിന് ഔപചാരികമായി കോൺഗ്രസിൽ ചേരുമെന്ന് മുതിർന്ന കോൺഗ്രസ് നേതാവ് ശക്തിസിൻഹ് ഗൊഹിൽ ട്വീറ്റ് ചെയ്തു.
പട്ന സാഹിബ് ലോക്സഭ മണ്ഡലത്തിൽ നിന്ന് ബി.ജെ.പി ടിക്കറ്റിൽ മത്സരിച്ച് രണ്ട് തവണ എം.പിയായ വ്യക്തിയാണ് ശത്രുഘ്നൻ സിൻഹ. ബി.ജെ.പിയിൽ നിന്നുകൊണ്ട് തന്നെ മോദി സർക്കാറിനെ വിമർശിച്ച സിൻഹക്ക് ഇത്തവണ ബി.ജെ.പി സീറ്റ് നിഷേധിച്ചിരുന്നു.
ശത്രുഘ്നൻ സിൻഹയുടെ സിറ്റിങ് സീറ്റിൽ ഇത്തവണ ബി.ജെ.പി മത്സരിപ്പിക്കുന്നത് കേന്ദ്ര മന്ത്രി രവിശങ്കർ പ്രസാദിനെയാണ്. ഇൗ മണ്ഡലത്തിൽ നിന്ന് കോൺഗ്രസ് ടിക്കറ്റിൽ ശത്രുഘ്നൻ സിൻഹ മത്സരിച്ചേക്കുമെന്നും റിപ്പോർട്ടുകളുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.