ഡൽഹി കലാപം: കേന്ദ്രത്തിനെതിരെ ആഞ്ഞടിച്ച്​ ശിവസേന

ന്യൂഡൽഹി: ഡൽഹിയിൽ മൂന്ന്​ ദിവസമായി തുടരുന്ന അക്രമത്തി​​െൻറ പശ്ചാത്തലത്തിൽ കേന്ദ്ര സർക്കാറിനും കേന്ദ്ര ആഭ്യ ന്തര മന്ത്രാലയത്തിനുമെതിരെ ആഞ്ഞടിച്ച്​ ശിവസേന. യുഎസ് പ്രസിഡൻറ്​ ഡോണൾഡ് ട്രംപ് തലസ്ഥാനം സന്ദർശിക്കുന്നതിനി ടെ ഡൽഹിയിൽ കലാപം തുടരുകയാണെന്ന് ശിവസേന മുഖപത്രമായ സാമ്​നയുടെ മുഖപ്രസംഗത്തിൽ പറഞ്ഞു.

ഡൽഹിയിലുണ്ടായ സംഘർഷത ്തിൽ ഇതുവരെ 20 പേർക്ക്​ ജീവൻ നഷ്​ടമായി. കടകൾക്കും വീടുകൾക്കും പ്രദേശവാസികളുടെ സ്വത്തുക്കൾക്കും വൻ നാശനഷ്​ടമാണുണ്ടായത്​. ‘‘പ്രധാനമന്ത്രി നരേന്ദ്ര മോദിയും യു.എസ്​ പ്രസിഡൻറ്​ ഡോണൾഡ് ട്രംപും ചർച്ച നടത്തുമ്പോൾ ഡൽഹി കത്തിക്കൊണ്ടിരിക്കുകയാണ്​. കാരണം എന്തുത​ന്നെയായാലും തലസ്ഥാനത്ത് ക്രമസമാധാനം പരിപാലിക്കുന്നതിൽ കേന്ദ്രസർക്കാർ പരാജയപ്പെട്ടു.” -ശിവസേന കുറ്റപ്പെടു​ത്തി.

1984ലെ സിഖ് വിരുദ്ധ കലാപത്തിൽ ബി.ജെ.പി ഇപ്പോഴും കോൺഗ്രസിനെ കുറ്റപ്പെടുത്തുന്നുണ്ട്​. ഇന്ദിരാഗാന്ധിയുടെ വധത്തെ തുടർന്ന് ഡൽഹിയിൽ​ നൂറുകണക്കിന് സിഖ് സഹോദരന്മാർ കൊല്ലപ്പെട്ടു. സമാനമായ അക്രമങ്ങളാണ്​ ഡൽഹിയിൽ ഇപ്പോൾ നടക്കുന്നത്​. ആളുകൾ വാളുകളും റിവോൾവറുമായി തെരുവിലിറങ്ങിയിരിക്കുകയാണ്​. ഡൽഹിയിലെ രംഗങ്ങൾ ഭയപ്പെടുത്തുന്നതാണ്. ആരാണ് ഇതിന് ഉത്തരവാദികൾ? ട്രംപ് തലസ്ഥാനത്ത് ആയിരുന്നപ്പോൾ ഡൽഹിയിലെ സ്ഥിതി ഇതായിരുന്നു, അത് നമുക്ക്​ നല്ലതല്ല, ”സാമ്​ന മുഖപ്രസംഗത്തിൽ പറഞ്ഞു.

25 ആലിംഗനങ്ങൾക്ക്​ 22000 കോടി രൂപ ചെലവ്​

യു.എസിൽ നിന്ന്​ 22,000 കോടി രൂപയുടെ പ്രതിരോധ ഉപകരണങ്ങൾ വാങ്ങുന്ന ഇ​​ന്തോ-യു.എസ്​ പ്രതിരോധ കരാറിനേയും ശിവസേന മുഖപ്രസംഗത്തിൽ വിമർശിച്ചു.

‘‘ട്രംപ്​ ത​​െൻറ പ്രസംഗത്തിൽ പാകിസ്​താനോട്​ ഭീകരവാദം അവസാനിപ്പിക്കാൻ മുന്നറിയിപ്പ്​ നൽകി. പാകിസ്​താനോട്​ ഏറ്റുമുട്ടാൻ ട്രംപ്​ നശീകരണ മിസൈൽ ഇന്ത്യക്ക്​ നൽകി. ആത്യന്തികമായി ഇത്​ ഒരു കച്ചവടമാണ്​. അതിന്​ നമ്മൾ ശതകോടിക്കണക്കിന്​ ഡോളറുകൾ നൽകേണ്ടതുണ്ട്​. ട്രംപ്​ മോദിയെ 25 തവണയെങ്കിലും പുകഴ്​ത്തുകയും ഇരുവരും പരസ്​പരം ആലിംഗനം ചെയ്യുകയും ചെയ്​തിട്ടുണ്ട്​. 25 ആലിംഗനങ്ങൾക്ക്​ 22,000 കോടി രൂപയാണ്​ ചെലവ്​.’’ ശിവസേന പരിഹസിച്ചു.

എല്ലാ ഉപകരണങ്ങളും അധികാരവും ഉണ്ടായിട്ടും എന്തുകൊണ്ട്​ ഡൽഹിയിലെ കലാപം നിർത്തലാക്കാൻ സാധിക്കുന്നില്ലെന്നതാണ്​ വലിയ ചോദ്യം. ആർട്ടിക്കിൾ 370ഉം 35എ യും റദ്ദാക്കാൻ കാണിച്ച ധൈര്യം ഡൽഹി കലാപം നിർത്താനും കാണിക്കേണ്ടതുണ്ടെന്നും ശിവസേന മുഖപ്രസംഗത്തിൽ പറയുന്നു.