സർക്കാർ രൂപവത്കരണത്തിന് അവകാശവാദമുന്നയിക്കുന്നതിനായി തെലങ്കാന കോൺഗ്രസ് അധ്യക്ഷൻ എ. രേവന്ത് റെഡ്ഡി, പാർട്ടി നേതാക്കളായ എൻ. ഉത്തംകുമാർ റെഡ്ഡി, ഡി.കെ ശിവകുമാർ, മണിക്റാവു താക്കറെ എന്നിവർ ഗവർണർ തമിളിസൈ സൗന്ദർരാജനെ സന്ദർശിക്കുന്നു
ഹൈദരാബാദ്: തെലങ്കാനയുടെ പുതിയ മുഖ്യമന്ത്രിയെ കോൺഗ്രസ് അധ്യക്ഷൻ മല്ലികാർജുൻ ഖാർഗെ നിശ്ചയിക്കട്ടെയെന്ന് നിയുക്ത എം.എൽ.എമാർ. സർക്കാർ രൂപവത്കരണവുമായി ബന്ധപ്പെട്ട് എ.ഐ.സി.സി നിരീക്ഷകനും കർണാടക ഉപമുഖ്യമന്ത്രിയുമായ ഡി.കെ. ശിവകുമാറിന്റെയും തെലങ്കാനയുടെ ചുമതലയുള്ള മണിക്റാവു താക്കറെയുടെയും നേതൃത്വത്തിൽ ചേർന്ന യോഗത്തിലാണ് ഈ ആവശ്യമുയർന്നത്.
എം.എൽ.എമാർ ഒറ്റക്കെട്ടായാണ് തീരുമാനത്തിൽ എത്തിയതെന്ന് ഡി.കെ. ശിവകുമാർ വാർത്തസമ്മേളനത്തിൽ പറഞ്ഞു. തെലങ്കാന കോൺഗ്രസ് അധ്യക്ഷൻ രേവന്ത് റെഡ്ഡിയാണ് ഈ നിർദേശം മുന്നോട്ടുവെച്ചത്. മുഴുവൻ എം.എൽ.എമാരും ഇതിനോട് യോജിച്ചു. അതേസമയം, മുഖ്യമന്ത്രിയെ സംബന്ധിച്ച് അഭിപ്രായം തേടുന്നതിന് ഡി.കെ. ശിവകുമാർ ഓരോ എം.എൽ.എയുമായും പ്രത്യേകം കൂടിക്കാഴ്ച നടത്തും. പാർട്ടിയെ വിജയത്തിലേക്ക് നയിച്ച രേവന്ത് റെഡ്ഡിക്ക് തന്നെയാണ് മുൻഗണന.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.