ശ്രീനഗർ: ജമ്മു-കശ്മീരിലെ പൂഞ്ച് ജില്ലയിലെ നിയന്ത്രണരേഖയിൽ സൈന്യം നടത്തിയ ഏറ്റുമുട്ടലിൽ ഒരു ഭീകരനെ വധിച്ചു. നുഴഞ്ഞുകയറ്റ ശ്രമം പരാജയപ്പെടുത്തുന്നതിനിടയിലാണ് ഭീകരൻ കൊല്ലപ്പെട്ടത്.
വ്യാഴാഴ്ച പത്തുമണിയോടെ പൂഞ്ച് സെക്ടറിലെ നിയന്ത്രണരേഖയിൽ ചിലർ ഇന്ത്യൻ ഭാഗത്തേക്ക് നുഴഞ്ഞുകയറാൻ ശ്രമിക്കുന്നത് സൈന്യത്തിന്റെ ശ്രദ്ധയിൽപ്പെട്ടതായി പ്രതിരോധ വക്താവ് പറഞ്ഞു. വെടിയുതിർത്ത നുഴഞ്ഞുകയറ്റക്കാർക്കുനേരെ സൈന്യത്തിന്റെ പ്രത്യാക്രമണത്തിലാണ് ഭീകരൻ കൊല്ലപ്പെട്ടത്.
ഇയാളുടെ മൃതദേഹത്തിനടുത്ത് രണ്ട് എ.കെ 47 തോക്കുകൾ, കൈത്തോക്ക്, വെടിക്കോപ്പുകൾ എന്നിവ കണ്ടെടുത്തു. സൈനിക നടപടികൾ തുടരുകയാണെന്നും പ്രദേശത്ത് തിരച്ചിൽ നടക്കുന്നുണ്ടെന്നും വക്താവ് കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.