വൈറലായ ആ യുവതി താനല്ലെന്ന്​ കുടക്​ ഡി.സി ആനീസ്​ കൺമണി ജോയ്

ബംഗളൂരു: കോവിഡ്​ 19 പ്രതിരോധ പ്രവർത്തനത്തിൽ മാതൃകാപരമായ നേതൃത്വം വഹിച്ചതിന്​ ആദരിക്കപ്പെ​ടുന്നതായി പ്രചരിക്കുന്ന വിഡിയോയിലെ യുവതി താനല്ലെന്ന്​ കുടക്​ ഡെപ്യൂട്ടി കമീഷണറും മലയാളിയുമായ ആനീസ്​ കൺമണി ജോയ്​. വിഡിയോ വ്യാപകമായി പ്രചരിക്ക​െപ്പടുകയും സമൂഹമാധ്യമങ്ങളിൽ അഭിനന്ദനങ്ങൾ ഏറ്റുവാങ്ങുകയും ചെയ്​തതോ​െടയാണ്​ ത​േൻറതെന്ന പേരിൽ പ്രചരിച്ച വിഡിയോയുടെ നിജസ്​ഥിതി ആനീസ്​ കൺമണി ജോയ്​ വ്യക്തമാക്കിയത്​. തിങ്കളാഴ്​ച മുതൽ ത​െൻറ ഫോണിലേക്ക്​ നിറയെ അഭിനന്ദന സന്ദേശങ്ങൾ എത്തുകയാണെന്ന്​ അവർ പറഞ്ഞു.

ഫേസ്​ബുക്കിൽ ആരോ പോസ്​റ്റ്​ ചെയ്​ത വിഡിയോ ഡൗൺലോഡ്​ ചെയ്​ത്​ അടിക്കുറിപ്പോടെ വാട്​സ്​​ആപ്പിൽ പ്രചരിപ്പിക്കുകയായിരുന്നു. 'തിരുവനന്തപുരം മെഡിക്കൽ കോളജിലെ നഴ്​സായിരുന്നു ഇവർ. ​െഎ.എ.എസ്​ പൂർത്തിയാക്കി കുടകിൽ ജില്ലാ കലക്​ടറായി. നഴ്​സിങ്​ കാലത്തെ ജോലി പരിചയം കൊണ്ട്​ കുടകിനെ കോവിഡിൽനിന്ന്​ രക്ഷിക്കാൻ ഇവർക്ക്​ കഴിയും. കുടകിലെ ജനങ്ങൾ ആദരമർപ്പിക്കുകയാണ്​....' എന്നായിരുന്നു അടിക്കുറിപ്പ്​. നിരന്നു നിൽക്കുന്ന സഹപ്രവർത്തകർക്കിടയിലൂടെ ഒരു യുവതി നടന്നുവരുന്നതും ചിലർ അവരുടെ കാൽതൊട്ടു വന്ദിക്കുന്നതുമാണ്​ വിഡിയോയിലുള്ളത്​. യുവതിയുടെ മുഖം വിഡിയോയിൽ മാസ്​ക്​ ചെയ്​തിട്ടുണ്ട്​. എന്നാൽ, ഹൈദരാബാദിലെ ഒരു ഇ ​കൊമേഴ്​സ്​ സ്​ഥാപനത്തിലെ ജീവനക്കാരിയാണ്​ വിഡിയോയിലുള്ളത്​.

 2009ൽ തിരുവനന്തപുരം മെഡിക്കൽ കോളജിൽനിന്ന്​ നഴ്​സിങ്​ പഠനം പൂർത്തിയാക്കിയ ആനീസ്​ കൺമണി ജോയ്​ 2012ൽ 65ാം റാ​േങ്കാടെയാണ്​ ​െഎ.എ.എസ്​ നേടിയത്​. കർണാടക ബിദറിൽ അസി. കമീഷണറായും തുമകുരു ജില്ല പഞ്ചായത്ത്​ സി.ഇ.ഒയായും സേവനമനുഷ്​ഠിച്ച ശേഷമാണ്​ 2019 ഫെബ്രുവരിയിൽ കുടക്​ ഡെപ്യൂട്ടി കമീഷണറായി ചുമതലയേൽക്കുന്നത്​.

കുടക്​ ജില്ലാ ഭരണകൂടത്തി​െൻറ കോവിഡ്​ പ്രതിരോധ പ്രവർത്തനങ്ങളുടെ വിവരങ്ങൾ​ എല്ലാ ദിവസവും സാമൂഹിക മാധ്യമങ്ങളിൽ പങ്കുവെക്കാറുണ്ടെന്നും നിർദേശങ്ങൾ പാലിക്കുന്ന ജനങ്ങൾ തന്നോട്​ സ്​നേഹവും ബഹുമാനവും കാണിക്കുന്നുണ്ടെന്നും​ 35 കാരിയായ ആനീസ്​ കൺമണി ജോയ്​ പറഞ്ഞു.

കുടകിൽ ഇതുവ​െര 4720 കോവിഡ്​ കേസും 61 മരണവുമാണ്​ റിപ്പോർട്ട്​ ചെയ്​തത്​. കഴിഞ്ഞ മാസം കാവേരി തീർഥോത്സവം, മടിക്കേരി ദസറ എന്നീ ആഘോഷ ചടങ്ങുകൾ നിയന്ത്രണങ്ങളോടെ സംഘടിപ്പിച്ചത്​ പ്രശംസ പിടിച്ചുപറ്റിയിരുന്നു.