മണിപ്പൂരിൽ വൻ ആയുധവേട്ട; മൂന്ന് ജില്ലകളിൽ വ്യാപക പരിശോധന

ഇം​ഫാ​ൽ: മ​ണി​പ്പൂ​രി​ലെ ഇം​ഫാ​ൽ ഈ​സ്റ്റ്, തൗ​ബാ​ൽ, ​ച​ന്ദേ​ൽ ജി​ല്ല​ക​ളി​ൽ പൊ​ലീ​സ് ന​ട​ത്തി​യ വ്യാ​പ​ക പ​രി​ശോ​ധ​ന​യി​ൽ വ​ൻ​തോ​തി​ൽ ആ​യു​ധ​ങ്ങ​ൾ ക​ണ്ടെ​ത്തി. ഇം​ഫാ​ൽ ഈ​സ്റ്റ് ജി​ല്ല​യി​ൽ നാ​ല് ഗ്ര​നേ​ഡ്, ഡി​റ്റ​നേ​റ്റ​ർ, 33 പി​സ്റ്റ​ളു​ക​ൾ, വെ​ടി​യു​ണ്ട​ക​ൾ, വ​യ​ർ​ലെ​സ് റേ​ഡി​യോ സെ​റ്റ്, വെ​ടി​മ​രു​ന്ന്, ബോം​ബ്, റൈ​ഫി​ൾ, ഇ​ര​ട്ട​ക്കു​ഴ​ൽ തോ​ക്ക്, പോം​പി തോ​ക്ക് എ​ന്നി​വ​യാ​ണ് പി​ടി​ച്ചെ​ടു​ത്ത​ത്.

തൗ​ബാ​ൽ ജി​ല്ല​യി​ൽ തോ​ക്ക്, വെ​ടി​യു​ണ്ട​ക​ൾ, ഗ്ര​നേ​ഡ്, ഡി​റ്റ​നേ​റ്റ​ർ, ക​ണ്ണീ​ർ​വാ​ത​ക ഷെ​ൽ, റേ​ഡി​യോ സെ​റ്റ് എ​ന്നി​വ ക​ണ്ടെ​ടു​ത്തു. ച​ന്ദേ​ൽ ജി​ല്ല​യി​ൽ തോ​ക്കു​ക​ൾ, വെ​ടി​യു​ണ്ട​ക​ൾ, മോ​ർ​ട്ടാ​ർ, ബോം​ബ്, ഇ​ര​ട്ട​ക്കു​ഴ​ൽ തോ​ക്ക്, റേ​ഡി​യോ സെ​റ്റ് എ​ന്നി​വ പി​ടി​ച്ചെ​ടു​ത്തു. അ​സം റൈ​ഫി​ൾ​സാ​ണ് ച​ന്ദേ​ലി​ൽ പ​രി​ശോ​ധ​ന​ക്ക് നേ​തൃ​ത്വം ന​ൽ​കി​യ​ത്.

മ​ണി​പ്പൂ​രി​ൽ നേ​ര​ത്തെ ക​ലാ​പ വേ​ള​യി​ൽ സൈ​നി​ക കേ​ന്ദ്ര​ങ്ങ​ളി​ൽ​നി​ന്നും പൊ​ലീ​സ് സ്റ്റേ​ഷ​നു​ക​ളി​ൽ​നി​ന്നും വ​ൻ​തോ​തി​ൽ ആ​യു​ധ​ങ്ങ​ൾ കൊ​ള്ള​യ​ടി​ച്ചി​രു​ന്നു. ഇ​വ തി​രി​കെ ഹാ​ജ​രാ​ക്കാ​ൻ കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം മു​ന്ന​റി​യി​പ്പ് ന​ൽ​കി​യെ​ങ്കി​ലും ചെ​റി​യൊ​രു വി​ഭാ​ഗം മാ​ത്ര​മാ​ണ് തി​രി​ച്ചേ​ൽ​പി​ച്ച​ത്. ബാ​ക്കി​യു​ള്ള​വ ക​ണ്ടെ​ത്താ​നും ക്ര​മ​സ​മാ​ധാ​ന നി​ല ഉ​റ​പ്പു​വ​രു​ത്താ​നു​മാ​ണ് വ്യാ​പ​ക പ​രി​ശോ​ധ​ന ആ​രം​ഭി​ച്ച​ത്. വ​രും ദി​വ​സ​ങ്ങ​ളി​ലും പ​രി​ശോ​ധ​ന ന​ട​ത്തു​മെ​ന്ന് അ​ധി​കൃ​ത​ർ മു​ന്ന​റി​യി​പ്പ് ന​ൽ​കി.