Representative image
ന്യൂഡല്‍ഹി: രാജ്യത്ത് വി.ഐ.പി സുരക്ഷക്ക് ഇനി വനിത സി.ആർ.പി.എഫ് കമാൻഡോകളും. കേന്ദ്ര ആഭ്യന്തരമന്ത്രി അമിത് ഷാ, കോണ്‍ഗ്രസ് നേതാവ് സോണിയ ഗാന്ധി, പ്രിയങ്ക ഗാന്ധി, രാഹുൽ ഗാന്ധി, മുൻ പ്രധാനമന്ത്രി മൻമോഹൻ സിങ് തുടങ്ങിയവരുടെ ഇസെഡ് പ്ലസ് സുരക്ഷ വിഭാഗത്തിൽ വനിതകളേയും ഉൾപ്പെടുത്തി. ആദ്യമായിട്ടാണ് വി.ഐ.പി സുരക്ഷ വിഭാഗത്തിൽ വനിതകളെ ഉൾപ്പെടുത്തുന്നത്.
ആദ്യഘട്ടത്തിൽ 32 വനിത സി.ആർ.പി.എഫ് ഉദ്യോഗസ്ഥരെയാണ് നിയമിക്കുന്നത്. ഔദ്യോഗിക വസതികളിലും യാത്രകളിലും വനിത കമാന്‍ഡോകള്‍ സുരക്ഷ ഒരുക്കും. പുരുഷ കമാന്‍ഡോകള്‍ക്ക് തുല്യമായി സുരക്ഷ ഒരുക്കാനുള്ള ആയുധങ്ങൾ വനിത കമാന്‍ഡോകള്‍ക്കും നൽകും. നടക്കാനിരിക്കുന്ന അഞ്ച് സംസ്ഥാനങ്ങളിലെ തെരഞ്ഞെടുപ്പ് പ്രചാരണത്തിനായുള്ള നേതാക്കളുടെ യാത്രകളിലും സുരക്ഷ ഒരുക്കും. വി.ഐ.പി. സുരക്ഷാ ചുമതലയുമായി ബന്ധപ്പെട്ട് വനിത ഉദ്യോഗസ്ഥർക്ക് രണ്ടര മാസത്തെ പരിശീലനം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.