മീര
അഞ്ചൽ: പത്താം ക്ലാസ് വിദ്യാർഥിനിയെ വീട്ടിനുള്ളിൽ തൂങ്ങി മരിച്ച നിലയിൽ കണ്ടെത്തി. വയയ്ക്കൽ നടുക്കുണ്ടയംചരുവിള പുത്തൻ വീട്ടിൽ മിൻറു - ശാന്തി ദമ്പതികളുടെ മകൾ മീര (15)യാണ് മരിച്ചത് .വെള്ളിയാഴ്ച പകൽ 11 മണിയോടെയാണ് സംഭവം.
മുത്തശ്ശിയോടും മാതൃസഹോദരന്മാരോടുമൊപ്പമാണ് മീര താമസിച്ചിരുന്നത്. മാതാപിതാക്കളും സഹോദരങ്ങളും അകലെയുള്ള മറ്റൊരു വീട്ടിലാണ് താമസം. കിടപ്പുമുറിയിൽ കയറി വാതിലടച്ച് ഏറെ നേരം കഴിഞ്ഞിട്ടും മീരയെ കാണാതായതോടെ മുത്തശ്ശിയെത്തി വാതിലിൽ തട്ടി വിളിച്ചു. എന്നാൽ പ്രതികരണമുണ്ടായില്ല.
തുടർന്ന് വീടിന് പിൻഭാഗത്തെ ജനൽ പാളി തുറന്ന് നോക്കിയപ്പോളാണ് മീരയെ ഫാനിൽ തൂങ്ങിയ നിലയിൽ കണ്ടത്. ചടയമംഗലം പൊലീസെത്തി മൃതദേഹം പാരിപ്പള്ളി മെഡിക്കൽ കോളജ് ആശുപത്രിയിൽ പോസ്റ്റുമോർട്ടത്തിനയച്ചു. കൊല്ലത്ത് നിന്നും വിരലടയാള വിദഗ്ധരും സയന്‍റിഫിക് വിദഗ്ധരുമെത്തി തെളിവുകൾ ശേഖരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.