ഒരു കോടി ‘പുണ്യം’ കവിഞ്ഞു; ഷാമിലിന്​ ഇനി വേണ്ടത്​ രണ്ട്​ കോടി

മലപ്പുറം: എസ്​.എം.എ (സ്പൈനൽ മസ്‌കുലർ അട്രോഫി) രോഗം ബാധിച്ച്​ ചികിത്സ സഹായത്തിനായി കാത്തിരിക്കുകയാണ്​ കൊണ്ടാട്ടി മുതുവല്ലൂർ മുതുപറമ്പ്​ പാമ്പോടൻ സൈനുദ്ധീന്‍റെ മകനായ​ മുഹമ്മദ്​ ഷാമിൽ. ആയിരങ്ങൾ കനിഞ്ഞു നൽകിയ സഹായംമൂലം ഒരു കോടി രൂപയിലധികം നിലവിൽ ചികിത്സ സഹായസമിതിക്ക്​ ലഭ്യമായിട്ടുണ്ട്​.

അടിന്തര ചികിത്സക്ക്​ ഇനി രണ്ട്​ കോടി രൂപയുടെ ആവശ്യമുണ്ട്​. സുമനസുകളുടെ സഹായം ഇനിയും കിട്ടുമെന്ന പ്രതീക്ഷയിലാണ്​ കുടുംബം. അടിയന്തിരമായി ചികിത്സ ലഭ്യമാക്കിയാലെ കുട്ടിയെ രക്ഷപ്പെടുത്താൻ കഴിയൂവെന്ന്​ തിരുവനന്തപുരം എസ്​.എ.ടി ഗവ. മെഡിക്കൽ കോളജിലെ ഡോക്ടർമാർ പറഞ്ഞത്​. ചുരുങ്ങിയത്​ നാല്​ വർഷം തുടർച്ചയായി മെഡിസിൻ നൽകേണ്ടതുണ്ട്. ഒരു വർഷത്തെ മെഡിസിന് 75 ലക്ഷം രൂപ വിലവരുന്നുണ്ട്. ചികിത്സക്ക് മൊത്തം മൂന്ന്​ കോടി രൂപയിലധികം ചിലവ് വരും.

ഷാമിലിന്‍റെ ചികിത്സക്ക്​ വേണ്ടി ടി.വി. ഇബ്രാഹിം എം.എം.എൽയുടെ നേതൃത്വത്തിൽ ‘മുഹമ്മദ് ഷാമിൽ ചികിത്സാ സഹായ സമിതി’ എന്ന പേരിൽ കമ്മിറ്റി പ്രവർത്തിക്കുന്നുണ്ട്​.

അരക്ക് താഴെ ബലക്ഷയം വന്ന് സ്വന്തമായി നടക്കാൻ പറ്റാത്ത അവസ്ഥയിലാണ്​ ഷാമിൽ. ഓരോ ദിവസം കഴിയുംതോറും ആരോഗ്യ നില മോശമാവുന്നസ്ഥിതിയാണ്​. നാലാം ക്ലാസുവരെ ഷാമിലിന്‍റെ ജീവിതം സാധരണപോലെയായിരുന്നു. പിന്നീട്​ കലുകൾക്ക്​ സ്വാധീനം കുറഞ്ഞു തുടങ്ങി. എന്നാലും നടക്കാൻ വലിയ പ്രയാസമില്ലായിരുന്നു. എന്നാൽ രണ്ട്​ കൊല്ലം മുമ്പ്​ നടക്കാൻ ഏറെ ​പ്രയാസം അനുഭവിക്കുന്ന സ്ഥിതിയായി. ഇതോടെ പിന്നീട്​ വീൽചെയറിലായി യാത്രകൾ. സ്വന്തമായി സ്കൂളിൽപോലും പോവാൻ കഴിയാത്ത സാഹചര്യത്തിൽ മാതാവ്​ സി.പി ജാസിറ മകനുവേണ്ടി സ്കൂട്ടർ പഠിച്ചെടുത്തു. ഇപ്പോൾ മാതാവിനൊപ്പം ഏറെ പ്രയാസപ്പെട്ട്​ സ്കൂട്ടറിലാണ്​ ഷാമിൽ അത്യാവശ്യ സ്ഥലങ്ങളിലേക്ക്​ യാത്ര ചെയ്യുന്നത്​.

സഹായം നൽകാം...

കുട്ടിയുടെ മാതാവിന്‍റെ പേരിലും ചികിത്സ കമ്മിറ്റിയുടെ പേരിലുമായി ബാങ്ക്​ അക്കൗണ്ട്​ തുടങ്ങിയിട്ടുണ്ട്​. ചികിത്സാ ഫണ്ടിന്‍റെ സുതാര്യതക്ക് വേണ്ടി അഡ്വ. ഷമീർ കുന്ദ മംഗലം ചെയർമാനായ ‘ASK CARE foundation’ എന്ന പേരിൽ നിർമിച്ച ആപ്പ്​ വഴിയോ രക്ഷിതാക്കളുടെ അക്കൗണ്ടുകൾ വഴിയും സഹായം കൈമാറാം. ബാങ്ക്​ അക്കൗണ്ട്​ വിവരങ്ങൾ: JASIRA CP, A/C NO: 25150100001878, ​​IFSC: FDRL0002515, ​FEDERAL BANK, KIZHISSERI BRANCH. ഗൂഗിൾപേ, ഫോൺപേ നമ്പർ: 9744167460, 9745167460. ആപ്പ്​ വഴി പണമടക്കാൻ: ASK CARE APP.