തിരുവനന്തപുരം: ജല വൈദ്യുതി ഉല്‍പ്പാദനത്തിന് 268 കോടി രൂപയാണ് ബജറ്റിൽ വകയിരുത്തിയത്. മാങ്കുളം, അച്ചന്‍കോവില്‍, അപ്പര്‍ ചെങ്കുളം, പാമ്പാര്‍ എന്നീ ഇടത്തരം ജലവൈദ്യുതി പദ്ധതികള്‍ ഏറ്റെടുക്കും. മൊത്തം പ്രതിഷ്ഠാപിത ശേഷി 144 മെഗാവാട്ടും ഉല്‍പാദനശേഷി 265.82 ദശലക്ഷം യൂണിറ്റും ആണ് ലക്ഷ്യമിടുന്നത്. 93 മെഗാവാട്ട് പ്രതിഷ്ഠാപിത ശേഷിയും 289.54 എം.യു. ഉല്‍പാദന ശേഷിയുമുള്ള പുതിയ 15 ചെറുകിട ജലവൈദ്യുതി പദ്ധതികളാണ് നടപ്പാക്കുന്നത്.
പള്ളിവാസല്‍ എക്സ്റ്റന്‍ഷന്‍, തോട്ടിയാര്‍ തുടങ്ങിയ പദ്ധതികള്‍ പൂര്‍ത്തീകരിക്കും. 9,425 കോടി രൂപയുടെ ട്രാന്‍സ്ഗ്രിഡ് 2.0 ഏറ്റവും പ്രധാന പുതിയ പദ്ധതി. സൗരോര്‍ജ പദ്ധതികള്‍ക്കായി 20 കോടി രൂപയും കാറ്റാടി പദ്ധതികള്‍ക്ക് 20 കോടി രൂപയും. അനര്‍ട്ടിന് 48 കോടി രൂപയും എനര്‍ജി മാനേജ്മെന്‍റ് സെന്‍ററിന് 8 കോടി രൂപയും ബജറ്റിൽ വകയിരുത്തിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.