കൊച്ചി: ലോട്ടറി കേസില്‍ സാന്‍റിയോഗോ മാര്ട്ടിന് വേണ്ടി മുഖ്യമന്ത്രിയുടെ നിയമോപദേശകന്‍ അഡ്വ. എം കെ ദാമോദരന്‍ വീണ്ടും ഹാജരാവും. സംസ്ഥാന സര്‍ക്കാറിനെതിരായി സാന്‍റിയാഗോ മാര്ട്ടിന് നല്‍കിയ ഹരജിയില്‍ ഇന്ന് ഹൈകോടതി വിശദമായി വാദം കേള്‍ക്കും. അനധികൃത പണമിടപാട് കുറ്റം ചുമത്തി സ്വത്തുക്കള്‍ കണ്ടുകെട്ടാനുള്ള എന്‍ഫോഴ്സ്മെന്‍റ് നടപടി തടയണമെന്ന് ആവശ്യപ്പെട്ട് മാര്ട്ടിന് നല്‍കിയ ഹരജിയിലാണ് ഹൈകോടതി വാദം കേള്‍ക്കുന്നത്.
സര്‍ക്കാരിനെതിരായ കേസില്‍ മാർട്ടിന് വേണ്ടി എം.കെ ദാമോദരന്‍ ഹാജരായത് നേരത്തെ തന്നെ വിവാദമായിരുന്നു. മാര്‍ട്ടിന്‍റെ സ്വത്തുക്കള്‍ കണ്ടുകെട്ടുന്ന നടപടി പൂർത്തിയായെന്ന് എന്‍ഫോഴ്സ്മെന്‍റ് കഴിഞ്ഞ തവണ കേസ് പരിഗണിക്കവെ ഹൈകോടതിയെ അറിയിച്ചിരുന്നു. മാര്‍ട്ടിന്‍റെയും പങ്കാളിയുടെയും ഉടമസ്ഥതയിലുള്ള കമ്പനികളുടെ 122 കോടി രൂപ വില വരുന്ന സ്വത്തുക്കളാണ് കണ്ടുകെട്ടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.