കാക്കനാട്: ജിഷ വധക്കേസിെല പ്രതി അമീറുൽ ഇസ്ലാമിെൻറ തിരിച്ചറിയൽ പരേഡ് ഇന്ന് നടക്കും. ഇയാളെ പാര്‍പ്പിച്ചിരിക്കുന്ന കാക്കനാട് ജയിലില്‍ വെച്ചാണ് തിരിച്ചറിയല്‍ പരേഡ് . അമീറുലിനെ കണ്ട നാട്ടുകാരെ കൂടാതെ ഇയാള്‍ക്കൊപ്പം ജോലിചെയ്തിരുന്നവരും താമസിച്ചിരുന്നവരും ഉള്‍പ്പെടെയുള്ള അന്യസംസ്ഥാനക്കാരെയും ഉള്‍പ്പെടുത്തിയാണ് തിരിച്ചറിയല്‍ പരേഡ്. തിരിച്ചറിയല്‍ പരേഡിന് ഹാജരാകണമെന്ന് കാട്ടി പോലീസ് സാക്ഷികള്‍ക്ക് സമന്‍സ് അയച്ചിരുന്നു.
തെളിവെടുപ്പിനായി പ്രതിയുമായി അസം, തമിഴ്‌നാട് തുടങ്ങിയ സ്ഥലങ്ങളിലേക്ക് പോകേണ്ടതിനാലാണ് നാളെ തിരിച്ചറിയല്‍ പരേഡ് നടത്തുന്നത്. അമീറുലിനൊപ്പം ഏതാനും അന്യസംസ്ഥാന തൊഴിലാളികളേയും തിരിച്ചറിയല്‍ പരേഡിനായി ഹാജരാക്കുന്നുണ്ട്. ഇതിനായി ചില അന്യസംസ്ഥാന തൊഴിലാളികളെ അന്വേഷണ സംഘം കണ്ടെത്തിയിട്ടുണ്ട്.റിമാന്‍ഡ് അപേക്ഷക്കൊപ്പം തിരിച്ചറിയല്‍ പരേഡ് നടത്താനുള്ള അപേക്ഷയും പോലീസ് കോടതിയില്‍ നല്‍കിയിരുന്നു. പ്രത്യേക സാഹചര്യം പരിഗണിച്ചാണ് പരേഡ് ജയിലില്‍ വെച്ച് നടത്താന്‍ തീരുമാനിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.