തിരുവനന്തപുരം: കേരളത്തില്‍ എന്‍.ഡി.എ നിലവില്‍വന്നതായി ബി.ജെ.പിയുടെ നേതൃത്വത്തില്‍ നടത്തിയ പ്രഖ്യാപനം രാഷ്ട്രീയ തട്ടിപ്പാണെന്ന് ശിവസേന കേരള രാജ്യ പ്രമുഖ് എം.എസ്. ഭുവനചന്ദ്രന്‍. ദേശീയതലത്തിലെ ഘടകകക്ഷികളോട് ആലോചിക്കാതെയാണ് പുതിയ കക്ഷികളെ ചേര്‍ത്തത്. പേരിനുപോലും അടിത്തറ ഇല്ലാത്തവരാണ് സഖ്യത്തില്‍ ചേര്‍ത്ത പല പാര്‍ട്ടികളും. ഒരു പ്രധാന കക്ഷി ഇപ്പോള്‍തന്നെ ഒരു മുന്നണിയുമായി രഹസ്യബാന്ധവം ഉണ്ടാക്കിയ കാര്യം പരസ്യമായ രഹസ്യമാണ്.
ബി.ജെ.പിയുടെ വോട്ട് കച്ചവടത്തെ ചോദ്യം ചെയ്യും എന്ന ഭയത്തിലാണ് കേന്ദ്രതലത്തിലെ പ്രധാന സഖ്യകക്ഷിയായ ശിവസേനയെ ഒപ്പം നിര്‍ത്താന്‍ ബി.ജെ.പി മടിക്കുന്നതെന്നും പ്രസ്താവനയില്‍ ഭുവനചന്ദ്രന്‍ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.