കോഴിക്കോട്: കാഞ്ഞങ്ങാട്ടെ ഡി.വൈ.എഫ്.ഐ പ്രവർത്തകൻ ഔഫ് അബ്ദുറഹ്മാന്‍റെ കൊലപാതകത്തിൽ ഗുഢാലോചന നടത്തിയത് പ്രമുഖ ലീഗ് നേതാവാണെന്ന് ഡി.വൈ.എഫ്.ഐ സംസ്ഥാന സെക്രട്ടറി എ.എ റഹീം. കൊലക്കുപിന്നിൽ വ്യക്തമായ ഗൂഢാലോചന നടന്നിട്ടുണ്ടെന്നും റഹീം കോഴിക്കോട്ട് പറഞ്ഞു.
കൊലയ്ക്കുശേഷം പ്രതികളെ രക്ഷപ്പെടാനും ഒളിവിൽ കഴിയാനും കാസർകോട്ടെ ലീഗ് നേതാക്കൾ സഹായിച്ചു. കേസ് അട്ടിമറിക്കാനും ശ്രമം നടന്നിട്ടുണ്ട്. മുസ്‌ലിം ലീഗിന് പോപ്പുലര്‍ ഫ്രണ്ടിന്‍റെ സഹായത്തോടെ ആയുധ പരിശീലനം ലഭിക്കുന്നുണ്ട്. ലീഗ് ജമാഅത്തെയുടെ തടവറയില്‍ ആണെന്നും റഹീം ആരോപിച്ചു.
അതേസമയം കൊലപാതകത്തിൽ സംസ്ഥാന വ്യാപകമായി പ്രതിഷേധപരിപാടികൾ സംഘടിപ്പിക്കാൻ നേരത്തേ ഡി.വൈ.എഫ്.ഐ തീരുമാനിച്ചിരുന്നു. മൂന്ന് ദിനങ്ങൾ നീണ്ടു നിൽക്കുന്ന പ്രതിഷേധ പരിപാടികളാണ് സംസ്ഥാന കമ്മിറ്റി ആഹ്വാനം ചെയ്തത്. 26ന് സംസ്ഥാനത്തെ എല്ലാ മേഖലാ കേന്ദ്രങ്ങളിലും പ്രതിഷേധ പൊതുയോഗങ്ങൾ നടത്തും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.