കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് സംവിധായകൻ ബാലചന്ദ്രകുമാറിന്‍റെ വെളിപ്പെടുത്തലിൽ പറയുന്ന സ്ത്രീയെക്കുറിച്ച് ക്രൈംബ്രാഞ്ച് അന്വേഷണം. കേസിൽ ഒരു സ്ത്രീയാണ് ശിക്ഷ അനുഭവിക്കേണ്ടിയിരുന്നതെന്നും എന്നാൽ, താൻ ശിക്ഷിക്കപ്പെട്ടെന്നും ദിലീപ് തന്‍റെ സംസാരത്തിൽ പറഞ്ഞിരുന്നതായി ബാലചന്ദ്രകുമാർ ചാനലിൽ വെളിപ്പെടുത്തിയിരുന്നു.
സുഹൃത്ത് ബൈജു ചെങ്ങമനാടിനോടായിരുന്നു ഇക്കാര്യം ദിലീപ് പറഞ്ഞിരുന്നതെന്നും അത് താൻ കേട്ടെന്നുമാണ് വെളിപ്പെടുത്തൽ. ഒരു സ്ത്രീയെ പരാമർശിച്ച്, അവരെ രക്ഷിച്ചുകൊണ്ടുപോയി താൻ ശിക്ഷിക്കപ്പെട്ടെന്നാണ് ദിലീപ് ആലുവയിലെ വീട്ടിൽവെച്ച് പറഞ്ഞത്.
ഈ സംഭാഷണം താൻ ടാബിൽ റെക്കോഡ്‌ ചെയ്‌തിട്ടുണ്ടെന്നും ബാലചന്ദ്രകുമാർ പറഞ്ഞിട്ടുണ്ട്. കേസിലെ ഒരു 'മാഡ'ത്തിന്‍റെ സാന്നിധ്യത്തെക്കുറിച്ച് ഒന്നാംപ്രതി പൾസർ സുനി ഒരിക്കൽ പറഞ്ഞിരുന്നു. എന്നാൽ, പിന്നീട് കേസിൽ മാഡത്തിന് വലിയ പങ്കില്ലെന്നും സുനി പറഞ്ഞിരുന്നു.
ഇതുമായി ബന്ധപ്പെട്ട് കാര്യമായ അന്വേഷണം നടന്നിരുന്നില്ല. ഇത്തരത്തിൽ ഒരു സ്ത്രീയുടെ സാന്നിധ്യം കേസിലുണ്ടെങ്കിൽ ഇരുവരും പറഞ്ഞയാൾ ഒന്നുതന്നെയാണോ എന്നതിനെക്കുറിച്ച് സ്ഥിരീകരിക്കും.
ഈ സ്ത്രീ ആരാണെന്ന് കണ്ടെത്തി കേസിലെ ഇവരുടെ ഇടപെടലുകളെക്കുറിച്ച് അന്വേഷണമുണ്ടാകും. ബാലചന്ദ്രകുമാറിന്‍റെ വെളിപ്പെടുത്തലിലെ വി.ഐ.പിയെക്കുറിച്ചും അന്വേഷണം പുരോഗമിക്കുകയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.