മണ്ണഞ്ചേരി (ആലപ്പുഴ): മണ്ണഞ്ചേരിയിൽ വള്ളം മറിഞ്ഞ് മത്സ്യത്തൊഴിലാളിയെ കാണാതായി. മണ്ണഞ്ചേരി പഞ്ചായത്ത് ആറാം വാർഡിലെ വട്ടപ്പറമ്പിൽ അബ്ദുൽ ഖാദറിനെയാണ് (40) കാണാതായത്. തിങ്കളാഴ്ച രാത്രി ഒമ്പത് മണിയോടെ ശക്തമായ കാറ്റിലാണ് വള്ളം മറിഞ്ഞത്.
കൂടെയുണ്ടായിരുന്ന ചാവടിയിൽ നൗഷാദിനെ (42) മത്സ്യത്തൊഴിലാളികൾ രക്ഷപ്പെടുത്തി. നൗഷാദ് ഒന്നര മണിക്കൂറോളം വെള്ളത്തിൽ കുടുങ്ങിക്കിടക്കുകയായിരുന്നു. ഇന്നലെ രാത്രി മത്സ്യത്തൊഴിലാളികളും പൊലീസും അഗ്നിശമനസേന ചേർന്ന് തിരച്ചിൽ നടത്തിയെങ്കിലും ഫലം കണ്ടില്ല.
അതേസമയം, പൊലീസിെൻറയും അഗ്നിശമനസേനയുടെയും ഭാഗത്തു നിന്നും കാര്യക്ഷമമായ തിരച്ചിൽ ഉണ്ടാവുന്നില്ലെന്ന പരാതിയും നാട്ടുകാർ ഉന്നയിക്കുന്നുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.