മു​ന്ന​റി​യി​പ്പി​ല്ലാ​തെ അ​ന​ന്ത​പു​രി എ​ഫ്.​എം നി​ർ​ത്തി; ഇനി 'ആകാശവാണി വിവിധഭാരതി മലയാളം'

തി​രു​വ​ന​ന്ത​പു​രം: ഒ​രു മു​ന്ന​റി​യി​പ്പു​മി​ല്ലാ​തെ അ​ന​ന്ത​പു​രി എ​ഫ്.​എം നി​ർ​ത്തി. 'ആ​കാ​ശ​വാ​ണി വി​വി​ധ ഭാ​ര​തി മ​ല​യാ​ളം'​എ​ന്ന പേ​രി​ലാ​ണ്​ റേ​ഡി​യോ ചാ​ന​ൽ. ജ​നു​വ​രി മു​ത​ൽ പു​തി​യ രൂ​പ​ത്തി​ലെ​ന്നാ​ണ്​ ഔ​ദ്യോ​ഗി​ക വി​ശ​ദീ​ക​ര​ണം.

മു​ഴു​വ​ൻ നി​യ​ന്ത്ര​ണ​വും മും​ബൈ വി​വി​ധ് ഭാ​ര​തി​ക്ക്. ശ്രോ​താ​ക്ക​ൾ ഏ​റെ​യു​ണ്ടാ​യി​രു​ന്ന പ്രൈം ​പ​രി​പാ​ടി​ക​ൾക്കു പ​ക​രം ഹി​ന്ദി പ​രി​പാ​ടി​ക​ൾ​ക്കും മ​റ്റ്​ റി​ലേ പ​രി​പാ​ടി​ക​ളും കു​ത്തി​നി​റ​ച്ചു. മ​റ്റ്​ സം​സ്ഥാ​ന ത​ല​സ്ഥാ​ന ന​ഗ​ര​ങ്ങ​ളി​ലെ എ​ഫ്.​എം സ്​​റ്റേ​ഷ​നു​ക​ളെ തൊ​ടാ​തെ​യാ​ണ്​ തി​രു​വ​ന​ന്ത​പു​ര​ത്തെ അ​ന​ന്ത​പു​രി എ​ഫ്.​എ​മ്മി​ന്​ താ​ഴി​ട്ട​ത്. എ​ന്നാ​ൽ ഒ​രു​മാ​സം പി​ന്നി​ട്ടി​ട്ടും സ​ർ​ക്കാ​ർ സം​വി​ധാ​ന​ങ്ങ​ളി​ൽ ഒ​രാ​ൾ പോ​ലും ഇ​ട​പെ​ട്ടി​ല്ല എ​ന്ന​തും ച​ർ​ച്ച​യാ​യി​ട്ടു​ണ്ട്.

2005 ന​വം​ബ​ർ ഒ​ന്നി​നാ​ണ്​ അ​ന​ന്ത​പു​രി എ​ഫ്.​എം പ്ര​ക്ഷേ​പ​ണം ആ​രം​ഭി​ച്ച​ത്. ത​ല​സ്ഥാ​ന ന​ഗ​ര​ത്തി​ൽ സ​മാ​ന​മാ​യി പ്ര​വ​ർ​ത്തി​ച്ചു​വ​ന്ന മ​റ്റ്​ സ്വ​കാ​ര്യ എ​ഫ്.​എം ചാ​ന​ലു​ക​ളെ കി​ട​പി​ടി​ക്കു​ന്ന സാ​​ങ്കേ​തി​ക മി​ക​വോ​ടെ​യാ​ണ്​ ചാ​ന​ൽ സ​ഹൃ​ദ​യ​മ​ന​സ്സ്​​ കീ​ഴ​ട​ക്കി​യ​ത്. ഗ്രാ​മീ​ണ​ജ​ന​ത​യു​ടെ സ്പ​ന്ദ​നം​കൂ​ടി​യാ​യി​രു​ന്നു അ​ന​ന്ത​പു​രി എ​ഫ്.​എം.

കോ​വി​ഡ് കാ​ല​ത്ത് അ​ന​ന്ത​പു​രി കേ​ൾ​വി​ക്കാ​രു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യു​മു​ണ്ടാ​യി. തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട ജി​ല്ല​ക​ളി​ലാ​യി ഏ​താ​ണ്ട്​ 45 ല​ക്ഷ​​ത്തോ​ളം ശ്രോ​താ​ക്ക​ളു​മു​ണ്ട്. ഹി​ന്ദി പ​രി​പാ​ടി​ക​ൾ​ക്കും റി​ലേ പ​രി​പാ​ടി​ക​ൾ​ക്കും ഇ​പ്പോ​ൾ പ്രാ​മു​ഖ്യം ന​ൽ​കി​യ​തോ​ടെ തി​ക​ച്ചും വി​ര​സ​വും അ​നാ​ക​ർ​ഷ​ക​വു​മാ​യി മാ​റി.

പ്രാ​ദേ​ശി​ക ചാ​ന​ലു​ക​ളെ ദേ​ശീ​യ​വ​ത്​​ക​രി​ച്ച് ഏ​കീ​കൃ​ത രൂ​പ​ത്തി​ലാ​ക്കാ​നു​ള്ള നീ​ക്കം എ​തി​ർ​ക്ക​പ്പെ​ടേ​ണ്ട​താ​ണെ​ന്നും ദേ​ശീ​യ​ത​ല​ത്തി​ൽ നി​ര​വ​ധി റേ​ഡി​യോ ടെ​ലി​വി​ഷ​ൻ ചാ​ന​ലു​ക​ളു​ള്ള സ്ഥി​തി​ക്ക് പ്രാ​ദേ​ശി​ക ചാ​ന​ലു​ക​ളെ ദേ​ശീ​യ​വ​ത്​​ക​രി​ക്കേ​ണ്ട​തി​​ല്ലെ​ന്നുമാണ് ശ്രോ​താ​ക്ക​ളു​ടെ പ്ര​തി​ക​ര​ണം. ത​മി​ഴ്നാ​ടു​പോ​ലെ ജ​ന​ങ്ങ​ൾ എ​തി​ർ​ക്കാ​ൻ സാ​ധ്യ​ത​യു​ള്ള സം​സ്ഥാ​ന​ങ്ങ​ളി​ൽ പ്രാ‍ദേ​ശി​ക ചാ​ന​ലു​ക​ളെ പ​ഴ​യ​ത് പോ​ലെ തു​ട​രാ​ൻ അ​നു​വ​ദി​ച്ചി​ട്ടു​ണ്ട്. ബം​ഗ​ളൂ​രു​വി​ൽ ചാ​ന​ൽ മാ​റ്റ​ത്തി​നെ​തി​രെ ജ​ന​ങ്ങ​ൾ പ്ര​തി​ഷേ​ധം ഉ​യ​ർ​ത്തി​യി​ട്ടു​ണ്ട്.