തൊടുപുഴ: കോന്നിയിൽ അംഗൻവാടി ഹെൽപ്പറെ കൊലപ്പെടുത്താൻ ശ്രമം. വകയാർ കൈതക്കര മുട്ടത്ത് പടിഞ്ഞാറ്റേതിൽ പ്രസന്നകുമാരിക്കെതിരെയാണ് വധശ്രമമുണ്ടായത്. തൃശ്ശൂർ സ്വദേശിയായ യുവാവ് വീടിനുള്ളിൽ അതിക്രമിച്ച് കയറി പ്രസന്നകുമാരിയുടെ കഴുത്തിൽ കയറിട്ട് മുറുക്കി കൊലപ്പെടുത്താൻ ശ്രമിക്കുകയായിരുന്നു.
ചൊവ്വാഴ്ച രാവിലെയാണ് സംഭവം. സംഭവ ശേഷം ഓടിപ്പോയ യുവാവിനെ നാട്ടുകാർ പിടികൂടി കോന്നി പൊലീസിൽ ഏൽപ്പിച്ചു. ഇയാർ ഒരു വർഷമായി ഇവിടെ മേസ്തിരിപ്പണി ചെയ്തു വരികയും വകയാർ കോളനിയിലുള്ള പെൺകുട്ടിക്കൊപ്പം താമസിച്ചു വരികയുമാണ്.
പ്രതി ഒരാഴ്ചയായി പണി ചെയ്യുന്ന വീടിനു സമീപം താമസിക്കുന്ന വീട്ടമ്മയെ നിരീക്ഷിച്ച ശേഷമാണ് ഇന്ന് കൊലപ്പെടുത്താനുള്ള ശ്രമം നടത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.