കാസർകോട്: 25ാം വാർഷികത്തിന്റെ ഭാഗമായി കാസർകോട് ജില്ലയിൽ 25 വീടുകൾ നിർമിച്ചുനൽകാൻ ബൈത്തുസ്സകാത് കേരള. 2024 ഒക്ടോബർ മുതൽ 2025 ഒക്ടോബർ വരെ ‘ബൈത്തുസ്സകാത്: കേരള സാമൂഹിക പുരോഗതിയുടെ 25 വർഷങ്ങൾ’ എന്ന തലക്കെട്ടിൽ കാമ്പയിനും സംഘടിപ്പിക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു.
ബൈത്തുസ്സകാത് കേരള 25ാം വാർഷികം ഒക്ടോബർ 14ന് നാലിന് കാസർകോട് മുനിസിപ്പൽ കോൺഫറൻസ് ഹാളിൽ ജമാഅത്തെ ഇസ്‍ലാമി കേരള അമീർ പി. മുജീബുറഹ്മാൻ ഉദ്ഘാടനം ചെയ്യും. രാജ്മോഹൻ ഉണ്ണിത്താൻ എം.പി മുഖ്യാതിഥിയാകും.
ബൈത്തുസ്സകാത് കേരള ചെയർമാൻ ശൈഖ് മുഹമ്മദ് കാരകുന്ന്, പീപ്പിൾസ് ഫൗണ്ടേഷൻ ചെയർമാൻ പി.ഐ. നൗഷാദ്, അബ്ബാസ് ബീഗം, ഷാനവാസ് പാദൂർ, അതീഖുറഹ്മാൻ ഫൈസി, സജൗദ് ഉമർ എന്നിവർ സംബന്ധിക്കും. യു.പി. സിദ്ദീഖ് മാസ്റ്റർ, ടി.ജെ. ഫവാസ്, സഈദ് ഉമർ, പി.എസ്. അബ്ദുല്ലക്കുഞ്ഞി എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.