ഫറോക്ക്: ബാങ്കിലേക്ക് ബൈക്കിൽ പോകുന്നതിനിടെ ജീവനക്കാരൻ ലോറിയിടിച്ചു മരിച്ചു. മണ്ണൂർവളവ് ശ്രീപുരി റോഡിനു സമീപം താമസിക്കുന്ന സുധീർകുമാറാണ് (52) ദാരുണമായി മരിച്ചത്. കിഴിശ്ശേരി ഗ്രാമീൺ ബാങ്ക് ജീവനക്കാരനായ സുധീർകുമാർ ഡ്യൂട്ടിക്കു പോകുന്ന വഴി കൊണ്ടോട്ടി-അരീക്കോട് റോഡിൽ എക്കാപറമ്പിൽ തിങ്കളാഴ്ച ഉച്ച ഒന്നരക്കായിരുന്നു അപകടം. എതിരെ വന്ന ലോറിയുടെ ഇടിയിൽ ബൈക്ക് നിയന്ത്രണംവിട്ടു മറിഞ്ഞു.
സുധീർ ലോറിക്കടിയിൽപെട്ട് തൽക്ഷണം മരിച്ചു. ഇന്നലെ ഉച്ചവരെ ബാങ്കിന് അവധിയായിരുന്നു. ഉച്ചക്ക് രണ്ടിന് ഡ്യൂട്ടിയിൽ പ്രവേശിക്കാൻ 12ന് വീട്ടിൽനിന്നിറങ്ങിയതായിരുന്നു. കൊണ്ടോട്ടി പൊലീസ് കേസെടുത്ത് അന്വേഷണം ആരംഭിച്ചു.
പരേതരായ കൃഷ്ണൻ-മാധവി ദമ്പതികളുടെ മകനാണ്. ഭാര്യ: ജിഷ (അധ്യാപിക, അംഗൻവാടി ആനയാറങ്ങാടി). മക്കൾ: അതുൽ കൃഷ്ണ (നഴ്സിങ് വിദ്യാർഥി, ബംഗളൂരു), അലീന (പ്ലസ് ടു വിദ്യാർഥിനി). സഹോദരങ്ങൾ: മോഹൻദാസ്, പ്രമോദ് (കെ.എസ്.ഇ.ബി, കുന്ദംകുളം), പ്രേമ, സത്യഭാമ. സംസ്കാരം ചൊവ്വാഴ്ച ഒന്നിന്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.