ബാർ കോഴക്കേസ്​: വിശദാംശങ്ങൾ മാധ്യമങ്ങൾ ചർച്ച ചെയ്യരുതെന്ന്​ ​ൈഹകോടതി

കൊച്ചി: മുൻ മന്ത്രി കെ.എം. മാണി പ്രതിയായ ബാർ കോഴക്കേസ്​ അന്വേഷണവുമായി ബന്ധപ്പെട്ട മാധ്യമചർച്ചകൾക്ക് ഹൈകോടതിയുടെ വിലക്ക്. ഇതുമായി ബന്ധപ്പെട്ട ഹരജി കോടതിയുടെ പരിഗണനയിലിരിക്കെ കേസി​​​െൻറയും അന്വേഷണത്തി​​​െൻറയും ആ​ഴത്തിലേക്ക്​ കടന്നുള്ള ചർച്ചകൾ പാടില്ലെന്നാണ്​ സിംഗിൾ ബെഞ്ചി​​െൻറ ഉത്തരവ്​. അന്വേഷണം പൂർത്തിയാക്കാൻ ഒന്നര മാസം അനുവദിച്ചിട്ടുണ്ട്​.​ 45 ദിവസത്തിനുശേഷമാണ്​ ഇനി കേസ്​ പരിഗണിക്കുക. അതുവരെയാണ്​ മാധ്യമങ്ങൾക്ക്​ വിലക്കുള്ളത്​. അന്വേഷണ ഉദ്യോഗസ്ഥരും വിജിലൻസ് ഡയറക്ടറും അന്വേഷണ വിവരങ്ങൾ വെളിപ്പെടുത്തരുതെന്നും കോടതി നിർ​േദശിച്ചു.

മു​ദ്ര​െവച്ച കവറിൽ കോടതിയിൽ സമർപ്പിച്ച ​തുട​രന്വേഷണത്തി​​െൻറ പുരോഗതി റിപ്പോർട്ട്​ എങ്ങനെയാണ്​ മാധ്യമങ്ങളിൽ വന്നതെന്ന്​ കോടതി ​​ആരാഞ്ഞു. വിജിലൻസ്​ ഡയറക്​ടറും ഡി​​ൈവ.എസ്​.പിയും നൽകിയ റിപ്പോർട്ടുകളുടെ ഉള്ളടക്കം ചില ചാനലുകൾ സംപ്രേഷണം ചെയ്​തത്​ കോടതി ചൂണ്ടിക്കാട്ടി. എന്നാൽ, തങ്ങൾ കോടതിയിൽ ഫയൽ ചെയ്​ത റിപ്പോർട്ട്​ ചോർന്നിട്ടില്ലെന്നും നേര​േത്ത മു​ദ്ര വെക്കാതെ ഫയൽ ചെയ്​ത റിപ്പോർട്ടുകളിൽനിന്ന്​ എടുത്ത കാര്യങ്ങൾ കൂട്ടിച്ചേർത്ത്​ മാധ്യമങ്ങൾ ഉപയോഗിച്ചതാകാമെന്നും ഡയറക്​ടർ ജനറൽ ഒാഫ്​ ​േ​പ്രാസിക്യൂഷന്​ വേണ്ടി ഹാജരായ സീനിയർ ഗവ. പ്ലീഡർ അറിയിച്ചു.

അന്വേഷണ റിപ്പോർട്ട്​ ചോർന്നതിനെപ്പറ്റി അന്വേഷിക്കാൻ വിജിലൻസ്​ ഡയറക്​ടർ ഉത്തരവിട്ടിട്ടുണ്ടെന്ന്​ വ്യക്​തമാക്കിയ സർക്കാർ ഇതി​​െൻറ പകർപ്പ്​ കോടതിക്ക്​ സമർപ്പിച്ചു. വിജിലൻസ്​ എസ്​.പി വി.എസ്​. അജി, ഡിവൈ.എസ്​.പി ഇ.എസ്​. ബിജുമോൻ, ​െഎ.ബി ഇൻസ്​പെക്​ടർ ജെ. ചന്ദ്രബാബു എന്നിവരെയാണ്​ അന്വേഷണത്തിന്​ ചുമതലപ്പെടുത്തിയത്​. ഇൗ സാഹചര്യത്തിൽ കൂടുതൽ കാര്യങ്ങളിലേക്ക്​ കടക്കുന്നില്ലെന്ന്​ വ്യക്​തമാക്കിയ ശേഷമാണ്​ ഇനി പരിഗണിക്കുന്നതുവരെ കേസുമായി ബന്ധപ്പെട്ട്​ മാധ്യമങ്ങൾക്ക്​ വിലക്കേർപ്പെടുത്തിയത്​. 

ബാര്‍ ലൈസന്‍സ് പുതുക്കാന്‍ കോഴ വാങ്ങിയെന്ന ആരോപണത്തെത്തുടര്‍ന്ന് വിജിലന്‍സ് രണ്ടുതവണ അന്വേഷണം നടത്തിയെങ്കിലും കാര്യമായ തെളിവ് ലഭിച്ചില്ലെന്നും തുടരന്വേഷണം റദ്ദാക്കണമെന്നും ആവശ്യപ്പെട്ട് മാണി നൽകിയ ഹരജിയാണ്​ കോടതിയുടെ പരിഗണനയിലുള്ളത്​. കഴിഞ്ഞദിവസം പുരോഗതി റിപ്പോർട്ട്​ മുദ്രവെച്ച കവറിൽ നൽകിയപ്പോൾ അന്വേഷണം പൂർത്തിയാക്കാൻ വിജിലൻസ്​ കൂടുതല്‍ സമയം തേടിയിരുന്നു. തുടർന്നാണ്​ 45 ദിവസംകൂടി അനുവദിച്ചത്​.