പ്രതീകാത്മക ചിത്രം
കോന്നി: വനം വകുപ്പ് ജീവനക്കാരെ കൈയേറ്റം ചെയ്ത സംഭവത്തിൽ കണ്ടാലറിയാവുന്ന 12 സി.പി.എം പ്രവർത്തകർക്കെതിരെ ചിറ്റാർ പൊലീസ് കേസ് രജിസ്റ്റർ ചെയ്തു. സി.പി.എം നേതാവ് ജേക്കബ് വളയംപള്ളി അടക്കമുള്ള 12 പേർക്കെതിരെയാണ് കേസ്. കൊച്ചുകോയിക്കൽ ഫോറസ്റ്റ് സെക്ഷൻ ഫോറസ്റ്റ് ഓഫിസർ സുരേഷ് കുമാറിന്‍റെ പരാതിയിലാണ് കേസ് രജിസ്റ്റർ ചെയ്തത്. കഴിഞ്ഞ ചൊവ്വാഴ്ചയാണ് കേസിനാസ്പദമായ സംഭവം.
റോഡരികിൽ മുറിച്ചിട്ട മരങ്ങൾ പരിശോധിക്കുന്നതിനിടെയാണ് വനം വകുപ്പ് കൊച്ചുകോയിക്കൽ ഫോറസ്റ്റ് സ്റ്റേഷൻ അധികൃതരെ സി.പി.എം പ്രവർത്തകർ കൈയേറ്റം ചെയ്യാൻ ശ്രമിച്ചത്.
ജീവനക്കാരിയുടെ കൈപിടിച്ച് തിരിച്ചെന്നും ജീവനക്കാരെ കൈയേറ്റം ചെയ്തെന്നും എഫ്.ഐ.ആറിൽ പറയുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.