സർക്കാർ-ഗവർണർ പോര്​: സം​സ്ഥാ​ന​ത്തെ 14ാമത്തെ സർവകലാശാലക്കും വ്യാ​ഴാ​ഴ്ച വി.സിയില്ലാതാകും

തി​രു​വ​ന​ന്ത​പു​രം: അ​യ​ഞ്ഞും മു​റു​കി​യും തു​ട​രു​ന്ന സ​ർ​ക്കാ​ർ-​ഗ​വ​ർ​ണ​ർ പോ​രി​ല​ക​പ്പെ​ട്ട്​ സം​സ്ഥാ​ന​ത്തെ പ​തി​നാ​ലാ​മ​ത്തെ സ​ർ​വ​ക​ലാ​ശാ​ല​ക്കും വ്യാ​ഴാ​ഴ്ച സ്ഥി​രം വൈ​സ്​​ചാ​ൻ​സ​ല​റി​ല്ലാ​താ​കു​ന്നു. ശേ​ഷി​ക്കു​ന്ന ര​ണ്ട്​ സ്​​ഥി​രം വി.​സി​മാ​രി​ൽ ഡി​ജി​റ്റ​ൽ സ​ർ​വ​ക​ലാ​ശാ​ല വി.​സി ഡോ. ​സ​ജി​ഗോ​പി​നാ​ഥി​ന്‍റെ കാ​ലാ​വ​ധി​യാ​ണ്​ പൂ​ർ​ത്തി​യാ​കു​ന്ന​ത്.

സ​ജി ഗോ​പി​നാ​ഥ്​ താ​ൽ​ക്കാ​ലി​ക വി.​സി​യു​ടെ ചു​​മ​ത​ല വ​ഹി​ക്കു​ന്ന സാ​​ങ്കേ​തി​ക സ​ർ​വ​ക​ലാ​ശാ​ല​ക്കും ഇ​തോ​ടെ പു​തി​യ വി.​സി​യെ ​ക​ണ്ടെ​ത്തേ​ണ്ടി​വ​രും. ഇ​നി ശേ​ഷി​ക്കു​ന്ന ഏ​ക സ്ഥി​രം വി.​സി ആ​രോ​ഗ്യ സ​ർ​വ​ക​ലാ​ശാ​ല വി.​സി ഡോ. ​മോ​ഹ​ന​ൻ കു​ന്നു​മ്മ​ലാ​ണ്. അ​ദ്ദേ​ഹ​ത്തി​ന്‍റെ കാ​ലാ​വ​ധി ഈ ​മാ​സം 29ന്​ ​അ​വ​സാ​നി​ക്കു​ന്ന​തോ​ടെ കേ​ര​ള​ത്തി​ലെ 15 സ​ർ​വ​ക​ലാ​ശാ​ല​ക​ൾ​ക്കും സ്ഥി​രം വി.​സി​യി​ല്ലാ​താ​കും. മോ​ഹ​ന​ൻ കു​ന്നു​മ്മ​ൽ ത​ന്നെ താ​ൽ​ക്കാ​ലി​ക വി.​സി​യാ​യ കേ​ര​ള സ​ർ​വ​ക​ലാ​ശാ​ല​ക്കും ഇ​തോ​ടെ വി.​സി​യി​ല്ലാ​താ​കും.

നി​ല​വി​ൽ സീ​നി​യ​ർ പ്ര​ഫ​സ​ർ​മാ​ർ​ക്ക്​ ഗ​വ​ർ​ണ​ർ വി.​സി​യു​ടെ താ​ൽ​ക്കാ​ലി​ക ചു​മ​ത​ല ന​ൽ​കി​യാ​ണ്​ സ​ർ​വ​ക​ലാ​ശാ​ല ഭ​ര​ണം മു​ന്നോ​ട്ടു​കൊ​ണ്ടു​പോ​കു​ന്ന​ത്. രാ​ഷ്ട്ര​പ​തി​യാ​യി​രു​ന്ന രാം​നാ​ഥ്​ കോ​വി​ന്ദി​ന്​ ഓ​ണ​റ​റി ഡി.​ലി​റ്റ്​ ബി​രു​ദം ന​ൽ​കാ​നു​ള്ള ഗ​വ​ർ​ണ​റു​ടെ നി​ർ​ദേ​ശം സ​ർ​ക്കാ​ർ താ​ൽ​പ​ര്യ​പ്ര​കാ​രം കേ​ര​ള സ​ർ​വ​ക​ലാ​ശാ​ല ത​ള്ളി​യ​​തോ​ടെ​യാ​ണ്​ സ​ർ​ക്കാ​ർ-​ഗ​വ​ർ​ണ​ർ പോ​രി​ന്​ തു​ട​ക്ക​മാ​കു​ന്ന​ത്.

പി​ന്നാ​ലെ ക​ണ്ണൂ​ർ സ​ർ​വ​ക​ലാ​ശാ​ല വി.​സി​യാ​യി​രു​ന്ന ഡോ. ​​ഗോ​പി​നാ​ഥ്​ ര​വീ​ന്ദ്ര​ന്‍റെ പു​ന​ർ​നി​യ​മ​ന​വും കാ​ല​ടി സ​ർ​വ​ക​ലാ​ശാ​ല​യി​ൽ മൂ​ന്നു​പേ​രു​ടെ പാ​ന​ൽ ഇ​ല്ലാ​തെ ഡോ.​എം.​വി. നാ​രാ​യ​ണ​ന്‍റെ പേ​ര്​ വി.​സി സ്ഥാ​ന​ത്തേ​ക്ക്​ നി​ർ​ദേ​ശി​ച്ച​തും ഉ​ൾ​പ്പെ​ടെ​യു​ള്ള​വ​യി​ൽ ഗ​വ​ർ​ണ​ർ സ​ർ​ക്കാ​റു​മാ​യി ഇ​ട​ഞ്ഞു.

ഒ​ടു​വി​ൽ സാ​​ങ്കേ​തി​ക സ​ർ​വ​ക​ലാ​ശാ​ല വി.​സി​യാ​യി​രു​ന്ന ഡോ. ​എം.​എ​സ്.​ രാ​ജ​ശ്രീ​യു​ടെ നി​യ​മ​നം സു​പ്രീം​കോ​ട​തി റ​ദ്ദാ​ക്കി​യ​ത്​ ചൂ​ണ്ടി​ക്കാ​ട്ടി ഒ​മ്പ​ത്​ വി.​സി​മാ​ർ​ക്ക്​ ഗ​വ​ർ​ണ​ർ പി​രി​ച്ചു​വി​ടാ​തി​രി​ക്കാ​ൻ കാ​ര​ണം കാ​ണി​ക്ക​ൽ നോ​ട്ടീ​സ്​ ന​ൽ​കു​ക​യും ചെ​യ്തു. ആ​റ്​​ വി.​സി​മാ​ർ കാ​ലാ​വ​ധി പൂ​ർ​ത്തി​യാ​ക്കു​ക​യോ ഹൈ​കോ​ട​തി​യി​ൽ​നി​ന്ന്​ അ​നു​കൂ​ല വി​ധി സ​മ്പാ​ദി​ക്കു​ക​യോ ചെ​യ്ത​പ്പോ​ൾ ക​ണ്ണൂ​ർ, ഫി​ഷ​റീ​സ്​ സ​ർ​വ​ക​ലാ​ശാ​ല വി.​സി​മാ​ർ കോ​ട​തി വി​ധി​ക​ളി​ലൂ​ടെ​യും കാ​ല​ടി വി.​സി ഗ​വ​ർ​ണ​റു​ടെ ഉ​ത്ത​ര​വി​ലൂ​ടെ​യും പു​റ​ത്താ​യി.

സ​ജി ഗോ​പി​നാ​ഥി​ന്‍റെ കാ​ലാ​വ​ധി പൂ​ർ​ത്തി​യാ​കു​ന്ന സാ​ഹ​ച​ര്യ​ത്തി​ൽ സാ​​ങ്കേ​തി​ക സ​ർ​വ​ക​ലാ​ശാ​ല വി.​സി സ്ഥാ​ന​ത്തേ​ക്ക്​ സാ​​ങ്കേ​തി​ക വി​ദ്യാ​ഭ്യാ​സ ഡ​യ​റ​ക്ട​ർ ഡോ.​പി.​ആ​ർ. ഷാ​ലി​ജ്, കോ​ത​മം​ഗ​ലം എം.​എ എ​ൻ​ജി​നീ​യ​റി​ങ്​ കോ​ള​ജ്​ പ്ര​ഫ​സ​ർ ഡോ. ​വി​നോ​ദ്​ കു​മാ​ർ ജേ​ക്ക​ബ്​ എ​ന്നി​വ​രു​ടെ പേ​രു​ക​ൾ സ​ർ​ക്കാ​ർ ഗ​വ​ർ​ണ​ർ​ക്ക്​ സ​മ​ർ​പ്പി​ച്ചി​ട്ടു​ണ്ടെ​ങ്കി​ലും ഇ​ത്​ പ​രി​ഗ​ണി​ക്കു​മോ എ​ന്ന്​ വ്യ​ക്ത​മ​ല്ല.