തിരുവനന്തപുരം: മുഖ്യമന്ത്രി പിണറായി വിജയനെ വീണ്ടും പുകഴ്ത്തി കോൺഗ്രസ് എം.പി ശശി തരൂർ. പ്രതിപക്ഷ നേതാവ് വി.ഡി സതീശൻ ഉൾപ്പടെ പങ്കെടുത്ത തിരുവനന്തപുരം ലുലുമാളിന്‍റെ ഉദ്ഘാടന ചടങ്ങിലായിരുന്നു തരൂരിന്‍റെ പരാമർശം. വ്യവസായികളെ പ്രോൽസാഹിപ്പിക്കുന്ന മുഖ്യമന്ത്രിയുടെ നിലപാട് സ്വാഗതാർഹമാണെന്ന് തരൂർ പറഞ്ഞു.
വ്യവസായികളെ സ്വീകരിക്കാൻ ധൈര്യപൂർവം മുഖ്യമന്ത്രി നിൽക്കുന്നു. അത് വലിയ കാര്യമാണ്. ഐക്യരാഷ്ട്രസഭയിൽ നിന്നും തിരിച്ചെത്തിയതിന് ശേഷം കേരളത്തിലേക്ക് വ്യവസായികളെ എത്തിക്കാൻ താൻ ശ്രമം നടത്തിയിരുന്നു. എന്നാൽ, നിക്ഷേപകർക്ക് കേരളത്തിലേക്ക് എത്താൻ ധൈര്യമുണ്ടായിരുന്നില്ല. എന്നാൽ, ഇപ്പോൾ കാര്യങ്ങൾ മാറി വരുന്നുണ്ടെന്നും അദ്ദേഹം കൂട്ടിച്ചേർത്തു.
മുഖ്യമന്ത്രി പറഞ്ഞപോലെ വലിയ നിക്ഷേപകർക്കൊപ്പം ചെറുകിട-ഇടത്തരം സംരംഭകർക്കും കേരളത്തിൽ നിക്ഷേപിക്കാൻ കഴിയുന്ന സാഹചര്യമുണ്ടാകണമെന്നും ശശി തരൂർ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.