തൃശൂർ: നഗരത്തിലെ ഹോട്ടൽ ജീവനക്കാരിയെ ലൈംഗികമായി പീഡിപ്പിക്കാൻ ശ്രമിച്ച കേസിൽ യുവാവ് അറസ്റ്റിൽ. കൊല്ലം പറവൂർ പോഴിക്കര പുതുവീട്ടിൽ റഷീദിനെ (26) ആണ് ടൗൺ ഈസ്റ്റ് പൊലീസ് ഏറ്റുമാനൂരിൽനിന്ന് അറസ്റ്റ് ചെയ്തത്. നവംബർ നാലിനാണ് കേസിനാസ്പദമായ സംഭവം.
ഹോട്ടലിലെ ജീവനക്കാരായിരുന്നു ഇരുവരും. പരാതിക്കാരി കുളിമുറിയിലായിരുന്ന സമയത്ത് പ്രതി അതിക്രമിച്ചു കയറി ലൈംഗിക പീഡനത്തിന് ശ്രമിക്കുകയായിരുന്നു. സംഭവത്തിനു ശേഷം ഒളിവിൽ പോയ പ്രതിയെ സർക്കിൾ ഇൻസ്പെക്ടർ ലാൽകുമാറിന്റെ നേതൃത്വത്തിലുള്ള അന്വേഷണ സംഘം ഏറ്റുമാനൂരിലെ ഹോട്ടലിൽനിന്നാണ് പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
സബ് ഇൻസ്പെക്ടർ ഗീതുമോൾ, അസിസ്റ്റന്റ് സബ് ഇൻസ്പെക്ടർ യു. ദുർഗാലക്ഷ്മി, സിവിൽ പൊലീസ് ഓഫിസർമാരായ പി. ഹരീഷ് കുമാർ വി.ബി. ദീപക്, സൈബർ സെൽ വിഭാഗം സിവിൽ പൊലീസ് ഓഫിസർ കെ.എസ്. നിധിൻ എന്നിവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.