കലക്​ടറും മന്ത്രിയും ഇടപെട്ടു; എന്നിട്ടും അല്‍ഗക്ക്​ ഐ.ഐ.ടി പ്രവേശന പരീക്ഷ എഴുതാനായില്ല

കൊ​ട​ക​ര: ഞാ​യ​റാ​ഴ്​​ച ന​ട​ന്ന ഐ.​ഐ.​ടി ജോ​യ​ൻ​റ്​​ എ​ൻ​ട്ര​ൻ​സ്​ എ​ക്​​സാ​മി​നേ​ഷ​ൻ (ജെ.​ഇ.​ഇ) അ​ഡ്വാ​ൻ​സ്​​​ഡ്​ പ​രീ​ക്ഷ എ​ഴു​തു​ന്ന​തി​ൽ​നി​ന്ന്​ കോ​വി​ഡ്​ ബാ​ധി​ത​യാ​യ പ​ട്ടി​ക​വ​ർ​ഗ വി​ദ്യാ​ർ​ഥി​നി​യെ അ​ധി​കൃ​ത​ർ ത​ട​ഞ്ഞു. കോ​വി​ഡ് പോ​സി​റ്റി​വാ​യ വി​ദ്യാ​ര്‍ഥി​ക​ളെ പ​രീ​ക്ഷ​ക്കി​രു​ത്താ​ന്‍ പാ​ടി​ല്ലെ​ന്ന് ഐ.​ഐ.​ടി നി​ർ​ദേ​ശ​മു​ള്ള​തി​നാ​ലാ​ണ്​ ത​ട​ഞ്ഞ​തെ​ന്നാ​ണ്​ പ​രീ​ക്ഷ ന​ട​ത്തി​പ്പ് ചു​മ​ത​ല​യു​ള്ള​ ഉ​ദ്യോ​ഗ​സ്ഥ​െൻറ വി​ശ​ദീ​ക​ര​ണം.

സ​ഹൃ​ദ​യ എ​ന്‍ജി​നീ​യ​റി​ങ്​ കോ​ള​ജി​ല്‍ ഞാ​യ​റാ​ഴ്ച ന​ട​ന്ന പ​രീ​ക്ഷ​യി​ൽ കോ​ട​ശേ​രി പ​ഞ്ചാ​യ​ത്തി​ലെ ര​ണ്ടു​കൈ മ​ല​യ​ന്‍ കോ​ള​നി​യി​ലു​ള്ള എം.​ബി. അ​ല്‍ഗ​ക്കാ​ണ്​ ഈ ​ദു​ര്യോ​ഗ​മു​ണ്ടാ​യ​ത്. ക​ല​ക്​​ട​ർ ഇ​ട​പെ​ട്ട്​ പ്ര​േ​ത്യ​ക ഉ​ത്ത​ര​വി​റ​ക്കി പ​രീ​ക്ഷ​ക്കി​രു​ത്താ​ൻ ശ്ര​മം ന​ട​ത്തു​ക​യും ഐ.​ഐ.​ടി പ​രീ​ക്ഷ ബോ​ർ​ഡ്​ ചെ​യ​ർ​മാ​നു​മാ​യി ബ​ന്ധ​പ്പെ​ടു​ക​യും ചെ​യ്​​തെ​ങ്കി​ലും ഫ​ല​മു​ണ്ടാ​യി​ല്ല. ഒ​രു പ​രീ​ക്ഷ മാ​ത്ര​മാ​യി എ​ഴു​തി​യ​തു​കൊ​ണ്ട് ഫ​ല​മി​ല്ലെ​ന്ന​റി​യി​ച്ച​തോ​ടെ പ​രീ​ക്ഷ​യെ​ഴു​താ​തെ വി​ദ്യാ​ര്‍ഥി​നി മ​ട​ങ്ങി​പ്പോ​യി.

ഐ.​ഐ.​ടി ഗോ​ര​ഖ്​​പു​രി​െൻറ കീ​ഴി​ലാ​ണ് പ​രീ​ക്ഷ ന​ട​ന്ന​ത്. പ്രി​ലി​മി​ന​റി പ​രീ​ക്ഷ​യി​ല്‍ വി​ജ​യി​ച്ച അ​ല്‍ഗ ര​ണ്ടാം ഘ​ട്ട പ​രീ​ക്ഷ​ക്കാ​യാ​ണ് ഞാ​യ​റാ​ഴ്ച രാ​വി​ലെ ഏ​ഴോ​ടെ സ​ഹൃ​ദ​യ കോ​ള​ജി​ലെ പ​രീ​ക്ഷ സെൻറ​റി​ലെ​ത്തി​യ​ത്. കോ​വി​ഡ് പോ​സി​റ്റി​വാ​യ​തി​നാ​ല്‍ പി.​പി.​ഇ കി​റ്റ് ധ​രി​ച്ച് പ്ര​ത്യേ​ക വാ​ഹ​ന​ത്തി​ലാ​ണ് അ​മ്മ​യോ​ടൊ​പ്പം എ​ത്തി​യ​ത്.

കോ​വി​ഡ് ബാ​ധി​ത​ർ​ക്ക്​ പ​രീ​ക്ഷ​യെ​ഴു​താ​ൻ ഐ​സൊ​ലേ​ഷ​ന്‍ ലാ​ബ് ഉ​ള്‍പ്പെ​ടെ​യു​ള്ള സൗ​ക​ര്യ​ങ്ങ​ള്‍ സ​ഹൃ​ദ​യ കോ​ള​ജി​ലു​ണ്ടെ​ങ്കി​ലും കോ​വി​ഡ് ബാ​ധി​ച്ച​വ​രെ പ​രീ​ക്ഷ എ​ഴു​തി​ക്കാ​ന്‍ പാ​ടി​ല്ലെ​ന്ന് ച​ട്ട​മു​ണ്ടെ​ന്ന്​ പ​രീ​ക്ഷ ചു​മ​ത​ല​യു​ള്ള ഉ​ദ്യോ​ഗ​സ്ഥ​ൻ അ​റി​യി​ച്ചു. ഇ​തേ​തു​ട​ര്‍ന്ന് ക​ല​ക്ട​റു​മാ​യി ബ​ന്ധ​പ്പെ​ട്ട് പ​രീ​ക്ഷ എ​ഴു​താ​ന്‍ അ​നു​വാ​ദം ന​ല്‍ക​ണ​മെ​ന്ന് വി​ദ്യാ​ർ​ഥി​നി ആ​വ​ശ്യ​പ്പെ​ട്ടു.

കു​ട്ടി​യെ പ​രീ​ക്ഷ​യെ​ഴു​താ​ന്‍ അ​നു​വ​ദി​ക്കാ​ൻ ക​ല​ക്ട​ര്‍ പ്ര​ത്യേ​ക ഉ​ത്ത​ര​വി​റ​ക്കി. കൊ​ട​ക​ര പ​ഞ്ചാ​യ​ത്ത് പ്ര​സി​ഡ​ൻ​റ്​ അ​മ്പി​ളി സോ​മ​ന്‍, ചാ​ല​ക്കു​ടി ത​ഹ​സി​ല്‍ദാ​ര്‍ ഇ.​എ​ന്‍. രാ​ജു എ​ന്നി​വ​ര്‍ സ്ഥ​ല​ത്തെ​ത്തി അ​ധി​കൃ​ത​രു​മാ​യി സം​സാ​രി​ച്ചു. മ​ന്ത്രി കെ. ​രാ​ധാ​കൃ​ഷ്ണ​ന്‍, കെ.​കെ. രാ​മ​ച​ന്ദ്ര​ന്‍ എം.​എ​ല്‍.​എ എ​ന്നി​വ​രും വി​ഷ​യ​ത്തി​ല്‍ ഇ​ട​പെ​ട്ട് വി​ദ്യാ​ർ​ഥി​നി​യു​മാ​യി സം​സാ​രി​ച്ചു. എ​ന്നി​ട്ടും ഫ​ല​മി​ല്ലാ​തെ വ​ന്ന​തോ​ടെ നി​രാ​ശ​യോ​ടെ അ​മ്മ​യും മ​ക​ളും തി​രി​ച്ചു​പോ​വു​ക​യാ​യി​രു​ന്നു. കൊ​ട​ക​ര എ​സ്.​എ​ച്ച്.​ഒ ജ​യേ​ഷ് ബാ​ല​ന്‍, കൊ​ട​ക​ര കു​ടും​ബാ​രോ​ഗ്യ​കേ​ന്ദ്ര​ത്തി​ലെ ഡോ. ​സം​ഗീ​ത എ​ന്നി​വ​രും സ്ഥ​ല​ത്തെ​ത്തി​യി​രു​ന്നു.

അ​ടു​ത്ത വ​ര്‍ഷം ന​ട​ക്കു​ന്ന ജെ.​ഇ.​ഇ അ​ഡ്വാ​ൻ​സ്​​ഡ്​ പ​രീ​ക്ഷ​യെ​ഴു​താ​ൻ വി​ദ്യാ​ര്‍ഥി​നി​യെ അ​നു​വ​ദി​ക്കാ​മെ​ന്ന ഐ.​ഐ.​ടി അ​ധി​കൃ​ത​രു​ടെ ഉ​റ​പ്പ്​ വി​ഷ​യ​ത്തി​ൽ ഇ​ട​പെ​ട്ട ജി​ല്ല ഭ​ര​ണ​കൂ​ട​ത്തി​ന്​ ല​ഭി​ച്ച​താ​യി സൂ​ച​ന​യു​ണ്ട്. ജെ.​ഇ.​ഇ പ​രീ​ക്ഷ പ​രി​ശീ​ല​നം സൗ​ജ​ന്യ​മാ​യി ന​ൽ​കാ​മെ​ന്ന്​ ട്രൈ​ബ​ൽ ഡി​പ്പാ​ർ​ട്​​മെൻറ്​ ഉ​റ​പ്പു​ന​ൽ​കി​യ​താ​യി അ​ൽ​ഗ​യു​ടെ ബ​ന്ധു​ക്ക​ൾ അ​റി​യി​ച്ചു.