അ​ച്ഛ​ൻ ‘കാ​ത്തി​രു​ന്നി​ല്ല’ ഹ​രി​യു​ടെ ഓ​ട​ക്കുഴ​ൽ​നാ​ദം കേ​ൾ​ക്കാ​ൻ...

തി​രു​വ​ന​ന്ത​പു​രം: വൃ​ന്ദ​വാ​ദ്യ വേ​ദി​യി​ൽ സ​ദ​സ്സി​നെ ആ​വേ​ശം​കൊ​ള്ളി​ച്ച് സം​ഗീ​ത​മ​ഴ അ​ല​യ​ടി​ച്ച് ഉ​യ​ർ​ന്ന​പ്പോ​ൾ സാ​ക്ഷി​യാ​യ മേ​ഘ​ങ്ങ​ൾ​ക്കും കാ​റ്റി​നും ഒ​ട്ടും സ​ന്തോ​ഷ​മി​ല്ലാ​യി​രു​ന്നു. അ​പ്ര​തീ​ക്ഷ​ത​മാ​യി അ​ച്ഛ​നെ ന​ഷ്ട​പ്പെ​ട്ട ഒ​രു മ​ക​ന്റെ ഹൃ​ദ​യം പൊ​ട്ടി​യ സം​ഗീ​ത​മാ​ണ് പ്ര​കൃ​തി​യി​ല​ലി​ഞ്ഞ് ചു​റ്റും ആ​ന​ന്ദം നി​റ​ച്ച​തെ​ന്ന് അ​വ​ർ​ക്ക് അ​റി​യാ​മാ​യി​രു​ന്നു.

ഓ​ട​ക്കുഴ​ലു​മേ​ന്തി വൃ​ന്ദ​വാ​ദ്യ​ത്തി​ൽ കൂ​ട്ടു​കാ​രോ​ടൊ​പ്പം സം​ഗീ​തം പൊ​ഴി​ച്ച് മി​ക​ച്ച ​പ്ര​ക​ട​നം ന​ട​ത്തി ഹ​രി​ഹ​ർ​ദാ​സ് സ​ദ​സ്സി​ലേ​ക്ക് ക​ണ്ണോ​ടി​ച്ചു. സം​സ്ഥാ​ന ക​ലോ​ത്സ​വ​ത്തി​ന് ത​ന്റെ മ​ത്സ​രം കാ​ണാ​ൻ വ​രു​മെ​ന്ന് ഉ​റ​പ്പ് ന​ൽ​കി​യ അ​ച്ഛ​ന്‍റെ അ​ദൃ​ശ്യ​സാ​ന്നി​ധ്യം പ​ര​തു​ന്ന​തു​പോ​ലെ...

സ്നേ​ഹ​ചും​ബ​നം ന​ൽ​കാ​ൻ പ്രി​യ പി​താ​വ്​ ഇ​നി വ​രി​ല്ലെ​ന്ന സ​ത്യം അ​വ​ൻ ഇ​നി​യും ഉ​ൾ​കൊ​ണ്ടി​ട്ടി​ല്ല. ഗാ​യ​ക​നാ​യി​രു​ന്ന പി​താ​വ് കാ​ണി​ച്ച സം​ഗീ​ത വ​ഴി​യി​ലാ​ണ് ഓ​ട​ക്കു​ഴ​ലു​മേ​ന്തി ഹ​രി മ​ത്സ​രി​ക്കാ​ൻ എ​ത്തി​യ​ത്. അ​ച്ഛ​ന്റെ ഷ​ർ​ട്ടും ധ​രി​ച്ചെ​ത്തി​യ മ​ക​നെ നോ​ക്കി​യ അ​ധ്യാ​പ​ക​രു​ടെ​യും കൂ​ട്ടു​കാ​രു​ടെ​യും ഉ​ള്ളു​ല​ഞ്ഞി​രു​ന്നു.

ഏ​റെ സ​ന്തോ​ഷ​ത്തോ​ടെ അ​ച്ഛ​ന്റെ ആ​ശീ​ർ​വാ​ദ​വും വാ​ങ്ങി ക​ലോ​ത്സ​വ​ത്തി​നു വ​ണ്ടി ക​യ​റി​യ​താ​ണ് കോ​ട്ട​യം ളാ​ക്കൂ​ട്ടൂ​ർ എം.​ജി.​എം.​എ​ൻ.​എ​സ്.​എ​സ്. എ​ച്ച്.​എ​സ്.​എ​സി​ലെ പ്ല​സ് ടു ​വി​ദ്യാ​ർ​ഥി ഹ​രി​ഹ​ർ​ദാ​സും. ഞാ​യ​റാ​ഴ്ച ഓ​ട​ക്കു​ഴ​ൽ മ​ത്സ​ര​ത്തി​ൽ പ​ങ്കെ​ടു​ക്കാ​ൻ ശ​നി​യാ​ഴ്ച ത​ന്നെ അ​വ​ൻ തി​രു​വ​ന​ന്ത​പു​ര​ത്ത് എ​ത്തി​യി​രു​ന്നു.

ശ​നി​യാ​ഴ്ച അ​ർ​ധ​രാ​ത്രി ​ബൈ​ക്കി​ൽ സ​ഞ്ച​രി​ക്കു​​മ്പോ​ൾ അ​ച്ഛ​ൻ അ​യ്യ​പ്പ​ദാ​സി​നെ അ​പ്ര​തീ​ക്ഷി​ത​മാ​യി മ​ര​ണം ത​ട്ടി​യെ​ടു​ത്തു. കോ​ട്ട​യം - എ​റ​ണാ​കു​ളം റോ​ഡി​ൽ കാ​ണ​ക്കാ​രി ക​വ​ല​യി​ൽ ബൈ​ക്കും സൈ​ക്കി​ളും കൂ​ട്ടി​യി​ടി​ച്ച് തെ​റി​ച്ചു വീ​ഴു​ക​യാ​യി​രു​ന്നു. കോ​ട്ട​യം സ്റ്റാ​ർ വോ​യ്​​സ് ഗാ​ന​മേ​ള സം​ഘ​ത്തി​ലെ ഗാ​യ​ക​നാ​യി​രു​ന്നു 45കാ​ര​നാ​യ അ​യ്യ​പ്പ​ദാ​സ്.

വി​വാ​ഹ ച​ട​ങ്ങി​ൽ പാ​ട്ടു​പാ​ടി മ​ട​ങ്ങ​വേ​യാ​ണ് അ​പ​ക​ടം. ദു​ഖ വാ​ർ​ത്ത അ​റി​ഞ്ഞ​തോ​ടെ ഹ​രി​ഹ​ർ​ദാ​സ് ഓ​ട​ക്കു​ഴ​ൽ മ​ത്സ​രം ഒ​ഴി​വാ​ക്കി നാ​ട്ടി​ലേ​ക്ക് മ​ട​ങ്ങി. ഞാ​യ​റാ​ഴ്ച രാ​ത്രി സം​സ്കാ​ര ച​ട​ങ്ങു​ക​ൾ​ക്ക് ശേ​ഷ​മാ​ണ് അ​വ​ൻ തി​ങ്ക​ളാ​ഴ്ച വൃ​ന്ദ​വാ​ദ്യ​ത്തി​ൽ സ​ങ്ക​ട​നാ​ദം ഉ​തി​ർ​ത്ത​ത്.