സ്വ​പ്ന വേ​ദി​ക്കാ​യി അ​ഖി​നി​ന്‍റെ ത്യാ​ഗം; ക​ഥ​യ​ല്ലി​ത് ജീ​വി​തം

തി​രു​വ​ന​ന്ത​പു​രം: ഈ ​പ​റ​യു​ന്ന​ത് സി​നി​മ​യ​ല്ല, ക​ഥ​യു​മ​ല്ല, അ​ഖി​നി​ന്‍റെ ജീ​വി​ത​മാ​ണ്. പ​റ​ക്ക​മു​റ്റാ​ത്ത ര​ണ്ട് സ​ഹോ​ദ​രി​മാ​രെ​യും ത​ന്നെ​യും പെ​രു​വ​ഴി​യി​ലു​പേ​ക്ഷി​ച്ച് മാ​താ​പി​താ​ക്ക​ൾ സ്വ​ന്തം കാ​ര്യം നോ​ക്കി​പ്പോ​യ​പ്പോ​ൾ വീ​ട്ടി​ലെ ഇ​രു​ട്ട​മു​റി​യി​ൽ വാ​വി​ട്ടു​ക​ര​ഞ്ഞ ഏ​ഴു വ​യ​സ്സു​കാ​ര​ന് പ്രാ​യം ഇ​പ്പോ​ൾ പ​ത്തൊ​മ്പ​ത്.

സ​ഹോ​ദ​രി​മാ​രു​ടെ വി​ശ​പ്പ​ക​റ്റാ​ന്‍, ആ​രും അ​വ​രു​ടെ മാ​ന​ത്തി​ന് വി​ല പ​റ​യാ​തി​രി​ക്കാ​ൻ 14 വ​യ​സ്സി​ല്‍ നൃ​ത്ത​അ​ധ്യാ​പ​ക​നാ​യ ഈ ​പ്ല​സ്ടു​കാ​ര​ന്‍റെ ഇ​തു​വ​രെ​യു​ള്ള ജീ​വി​തം സി​നി​മ​ക​ഥ​യെ വെ​ല്ലും.

അ​ഖി​ന് ര​ണ്ട് വ​യ​സ്സു​ള്ള​പ്പോ​ഴാ​ണ് അ​ച്ഛ​ൻ മ​റ്റൊ​രു ജീ​വി​തം തേ​ടി​പ്പോ​യ​ത്. ഏ​ഴാം വ​യ​സ്സി​ൽ അ​മ്മ​യും ഉ​പേ​ക്ഷി​ച്ച​തോ​ടെ അ​ഖി​നും ചേ​ച്ചി അ​ഖി​ല​ക്കും അ​നു​ജ​ത്തി ആ​തി​ര​ക്കും അ​മ്മൂ​മ്മ സ​ര​സ്വ​തി മാ​ത്ര​മാ​യി ആ​ശ്ര​യം. അ​മ്മൂ​മ​ക്ക് വീ​ട്ടു​ജോ​ലി ചെ​യ്തു​കി​ട്ടു​ന്ന​ത്​ അ​ന്ന​ത്തി​നു​പോ​ലും തി​ക​യാ​തെ വ​ന്ന​തോ​ടെ മൂ​വ​രെ​യും പ്രീ​മെ​ട്രി​ക് സ്കൂ​ളി​ലാ​ക്കി. മൂ​ന്നി​ൽ പ​ഠി​ക്കു​മ്പോ​ഴാ​ണ് അ​ഖി​നി​ന്‍റെ നൃ​ത്ത താ​ൽ​പ​ര്യം അ​ധ്യാ​പ​ക​ർ​ക്ക് മ​ന​സ്സി​ലാ​കു​ന്ന​ത്.

പ​രാ​ധീ​ന​ത​ക​ളി​ൽ നൃ​ത്ത​വും പ​ഠ​ന​വും പാ​തി​വ​ഴി​യി​ൽ ഉ​പേ​ക്ഷി​ച്ച് ജോ​ലി​ക്കി​റ​ങ്ങാ​ൻ ഒ​രു​ഘ​ട്ട​ത്തി​ൽ അ​ഖി​ൻ തീ​രു​മാ​ നി​ച്ചെ​ങ്കി​ലും അ​ധ്യാ​പ​ക​രാ​യ സു​നി​ല്‍കു​മാ​റും ഗൗ​തം മ​ഹേ​ശ്വ​റും ചേ​ർ​ന്ന് തു​ട​ർ​ന്നു​ള്ള കാ​ലം ഈ ​മി​ടു​ക്ക​നെ സൗ​ജ​ന്യ​മാ​യി നൃ​ത്തം അ​ഭ്യ​സി​പ്പി​ക്കു​ക​യാ​യി​രു​ന്നു.

ചൊ​വ്വാ​ഴ്ച എ​ച്ച്.​എ​സ്‌.​എ​സ്‌ കു​ച്ചി​പ്പു​ടി​യി​ൽ എ ​ഗ്രേ​ഡ് നേ​ടി​യ അ​ഖി​ൻ, ക​ഴി​ഞ്ഞ ദി​വ​സം ഭ​ര​ത​നാ​ട്യ​ത്തി​ലും എ ​ഗ്ര​യി​ഡ് നേ​ടി​യി​രു​ന്നു. പ​ഠ​ന​ത്തോ​ടൊ​പ്പം ജീ​വി​തം മു​ന്നോ​ട്ടു​കൊ​ണ്ടു​പോ​കാ​ൻ വെ​ഞ്ഞാ​റ​മൂ​ട് ജ​ങ്ഷ​നി​ൽ 'ത​സ്മ​യി' നൃ​ത്ത​വി​ദ്യാ​ല​യ​വും ആ​രം​ഭി​ച്ചു. അ​വി​ടെ നി​ന്നു​ള്ള വ​രു​മാ​നം കൊ​ണ്ടാ​ണ് ആ​റു​മാ​സം മു​മ്പ് ആ​ദ്യ സ​ഹോ​ദ​രി അ​ഖി​ല​യു​ടെ വി​വാ​ഹം അ​ച്ഛ​ന്‍റെ സ്ഥാ​ന​ത്തു​നി​ന്നും അ​ഖി​ൻ ന​ട​ത്തി​യ​ത്.