കപ്പൽ പിടിച്ചെടുക്കൽ; പേടിക്കേണ്ട, സുരക്ഷിതനാണ്...

മാ​ന​ന്ത​വാ​ടി: ഇ​റാ​ൻ സേ​ന പി​ടി​ച്ച ഇ​സ്രാ​യേ​ൽ ക​പ്പ​ലി​ൽ​നി​ന്ന് വ​യ​നാ​ട് സ്വ​ദേ​ശി​യും ക​പ്പ​ൽ സെ​ക്ക​ൻ​ഡ് ഓ​ഫി​സ​റു​മാ​യ ധ​നേ​ഷി​ന്റെ വി​ളി​യെ​ത്തി. ഇ​തോ​ടെ കു​ടും​ബ​ത്തി​ന് നേ​രി​യ ആ​ശ്വാ​സം. തി​ങ്ക​ളാ​ഴ്ച​യാ​ണ് പി​താ​വി​ന്റെ ഫോ​ണി​ലേ​ക്ക് ധ​നേ​ഷി​ന്റെ വി​ളി വ​ന്ന​ത്. താ​ൻ സു​ര​ക്ഷി​ത​നാ​ണെ​ന്നും പേ​ടി​ക്കേ​ണ്ടെ​ന്നു​മാ​ണ് ധ​നേ​ഷ് പ​റ​ഞ്ഞ​ത്. പെ​ട്ടെ​ന്നു​ത​ന്നെ ഫോ​ൺ വെ​ക്കു​ക​യും ചെ​യ്തു. പി​ന്നീ​ട് വി​ളി വ​ന്നി​ട്ടി​ല്ല. ധ​നേ​ഷി​ന്റെ​​ത​ല്ലാ​ത്ത വേ​റൊ​രു ന​മ്പ​റി​ൽ​നി​ന്നാ​ണ് വി​ളി​ച്ച​ത്. ഇ​റാ​ന്റെ ഔ​ദ്യോ​ഗി​ക സേ​ന വി​ഭാ​ഗ​മാ​യ ഇ​സ്‍ലാ​മി​ക് റെ​വ​ല്യൂ​ഷ​ന​റി ഗാ​ര്‍ഡ് കോ​ര്‍ (ഐ.​ആ​ര്‍.​ജി.​സി) ശ​നി​യാ​ഴ്ച പി​ടി​ച്ചെ​ടു​ത്ത ഇ​സ്രാ​യേ​ൽ ശ​ത​കോ​ടീ​ശ്വ​ര​ന്റെ ച​ര​ക്കു​ക​പ്പ​ലാ​യ എം.​എ​സ്.​സി ഏ​രീ​സി​ലാ​ണ് മാ​ന​ന്ത​വാ​ടി പാ​ൽ​വെ​ളി​ച്ചം സ്വ​ദേ​ശി​യാ​യ പി.​വി. ധ​നേ​ഷു​മു​ള്ള​ത്. പാ​ൽ​വെ​ളി​ച്ചം പെ​റ്റം​കോ​ട്ട്‌ വീ​ട്ടി​ൽ വി​ശ്വ​നാ​ഥ​ന്റെ മ​ക​നാ​ണ്.

2010 മു​ത​ൽ ധ​നേ​ഷ് വി​വി​ധ ച​ര​ക്കു ക​പ്പ​ലു​ക​ളി​ൽ ജോ​ലി​ചെ​യ്യു​ക​യാ​ണ്. മൂ​ന്നു വ​ർ​ഷം മു​മ്പാ​ണ് ഈ ​ക​പ്പ​ലി​ൽ ധ​നേ​ഷ് ജോ​ലി​ചെ​യ്യാ​ൻ തു​ട​ങ്ങി​യ​തെ​ന്ന് പി​താ​വ് പ​റ​യു​ന്നു. ഏ​പ്രി​ൽ 12നാ​ണ് അ​വ​സാ​ന​മാ​യി വീ​ട്ടി​ലേ​ക്ക് സ​ന്ദേ​ശം അ​യ​ച്ച​ത്. ഈ ​മാ​സം വീ​ട്ടി​ലേ​ക്ക് വ​രു​മെ​ന്നാ​യി​രു​ന്നു അ​ത്. ശ​നി​യാ​ഴ്ച ഉ​ച്ച​യോ​ടെ​യാ​ണ് ക​പ്പ​ൽ ഇ​റാ​ൻ പി​ടി​ച്ചെ​ടു​ത്ത വി​വ​രം ക​മ്പ​നി​യി​ൽ​നി​ന്ന് കു​ടും​ബ​ത്തെ അ​റി​യി​ക്കു​ന്ന​ത്. ശേ​ഷം മ​ക​നെ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും ന​ട​ന്നി​രു​ന്നി​ല്ല. എ​ന്നാ​ൽ തി​ങ്ക​ളാ​ഴ്ച ധ​നേ​ഷി​ന്റെ വി​ളി വ​ന്ന​തോ​ടെ കു​ടും​ബം ആ​ശ്വാ​സ​ത്തി​ലാ​ണ്. മൂ​ന്ന് വ​ർ​ഷം മു​മ്പ് വി​വാ​ഹി​ത​നാ​യ ധ​നേ​ഷി​ന് ര​ണ്ട് മാ​സം മു​മ്പാ​ണ് കു​ഞ്ഞ് പി​റ​ന്ന​ത്. കു​ഞ്ഞി​നെ കാ​ണാ​നാ​ണ് ധ​നേ​ഷ് ഈ ​മാ​സം വീ​ട്ടി​ലേ​ക്ക് വ​രാ​നി​രു​ന്ന​ത്.