കൊച്ചി: എറണാകുളം ജില്ലാ പഞ്ചായത്ത് 2020-25 ഭരണസമിതിയുടെ മൂന്നാം വാർഷികാഘോഷവും വിവിധ പദ്ധതികളുടെ ഉദ്ഘാടനവും 30ന് രാവിലെ 10 മുതൽ എറണാകുളം ജില്ലാ പഞ്ചായത്ത് പ്രിയദർശിനി ഹാളിൽ നടക്കും. ജനകീയാസൂത്രണ രജത ജൂബിലി സ്മാരക ഉദ്ഘാടനം രാവിലെ 10ന് വ്യവസായ- നിയമ- കയർ വകുപ്പ് മന്ത്രി പി. രാജീവ് നിർവഹിക്കും.
ഉമ്മൻചാണ്ടി സ്മാരക ഹാൾ നിർമാണം രാവിലെ 10.30ന് നിയമസഭാ പ്രതിപക്ഷ നേതാവ് വി.ഡി സതീശൻ നിർവഹിക്കും. ലീഡേഴ്സ് ചേംബർ ഉദ്ഘാടനം രാവിലെ 11ന് ഹൈബി ഈഡൻ എം.പി നിർവഹിക്കും. 11.30 മുതൽ മൂന്നാം വാർഷികാഘോഷ സമ്മേളനം നടക്കും. സമ്മേളനത്തിൽ സ്ഥാനമൊഴിയുന്ന ജില്ലാ പഞ്ചായത്ത് പ്രസിഡൻറ് ഉല്ലാസ് തോമസിന് ഭരണസമിതി അംഗങ്ങൾ ആദരവ് നൽകും.
തുടർന്ന് വിവിധ മേഖലകളിൽ പ്രാഗൽഭ്യം തെളിയിച്ചവർക്കുള്ള പുരസ്കാര ദാനം നടക്കും. എം.പിമാരായ ഡീൻ കുര്യാക്കോസ്, ബെന്നി ബെഹനാൻ, ജെബി മേത്തർ, കലക്ടർ എൻ.എസ്.കെ ഉമേഷ്, എം.എൽ.എമാരായ എൽദോസ് പി. കുന്നപ്പിള്ളിൽ, റോജി എം. ജോൺ, കെ.എൻ ഉണ്ണികൃഷ്ണൻ, കെ.ജെ മാക്സി, കെ. ബാബു, ടി.ജെ വിനോദ്, ഉമ തോമസ്, പി.വി ശ്രീനിജിൻ, അനൂപ് ജേക്കബ്, മാത്യു കുഴൽനാടൻ, ആൻറണി ജോൺ, കൊച്ചി കോർപറേഷൻ മേയർ എം. അനിൽകുമാർ, തൃക്കാക്കര മുൻസിപ്പാലിറ്റി ചെയർപേഴ്സൺ രാധാമണി പിള്ള, എന്നിവർ അവാർഡ് ദാനം നിർവഹിക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.