വയനാട്ടിൽ വീണ്ടും യൂക്കാലിപ്റ്റസ് ആശങ്ക മുളക്കുന്നു

ക​ൽ​പ​റ്റ: വ​യ​നാ​ടി​​നെ വ​ര​ൾ​ച്ച​യി​ലേ​ക്ക് ന​യി​ച്ച​തി​ൽ പ്ര​ധാ​ന പ​ങ്കു​വ​ഹി​ച്ച വ​ന​ത്തി​ലെ യൂ​ക്കാ​ലി മ​ര​ങ്ങ​ൾ സം​ബ​ന്ധി​ച്ച ആ​ശ​ങ്ക വീ​ണ്ടും മു​ള​ക്കു​ന്നു. കേ​ര​ള വ​നം​വി​ക​സ​ന കോ​ർ​പ​റേ​ഷ​ന്റെ (കെ.​എ​ഫ്.​ഡി.​സി.) വ​ന​ഭൂ​മി​ക​ളി​ൽ യൂ​ക്കാ​ലിപ്റ്റസ് മ​ര​ങ്ങ​ൾ ന​ടാ​ൻ വ​നം മേ​ധാ​വി അ​നു​മ​തി ന​ൽ​കി​യ​തോ​ടെ​യാ​ണി​ത്.

വ​നം​വ​കു​പ്പി​ന്റെ പു​തി​യ നീ​ക്ക​ത്തോ​ടെ വ​യ​നാ​ട്ടി​ലെ കെ.​എ​ഫ്.​ഡി.​സി​യു​ടെ പേ​ര്യ​യി​ലെ തോ​ട്ട​ത്തി​ൽ യൂ​ക്കാ​ലി മ​ര​ങ്ങ​ൾ ന​ടാ​നാ​ണ് സാ​ധ്യ​ത​യെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. 200 ഹെ​ക്ട​റാ​ണ് ഈ ​തോ​ട്ട​മു​ള്ള​ത്.

മാ​വൂ​ർ ഗ്വാ​ളി​യോ​ർ റ​യോ​ൺ​സി​നെ കേ​ര​ള​ത്തി​ലേ​ക്ക് കൊ​ണ്ടു​വ​ന്ന​തി​നെ തു​ട​ർ​ന്നാ​ണ് യൂ​ക്കാ​ലി മ​ര​ങ്ങ​ൾ വ​യ​നാ​ട​ൻ കാ​ടു​ക​ളി​ൽ ന​ട്ടു​വ​ള​ർ​ത്തി​യ​ത്. 1957ൽ ​റ​യോ​ൺ​സു​മാ​യു​ള്ള ക​രാ​ർ​പ്ര​കാ​രം മു​ള​ക​ൾ വ്യാ​പ​ക​മാ​യി വ​യ​നാ​ട്ടി​ൽ ന​ട്ടി​രു​ന്നു. ക​ട​ലാ​സു​ണ്ടാ​ക്കു​ന്ന​തി​ന് ഈ ​മു​ള​ക​ൾ വ്യാ​പ​ക​മാ​യി വെ​ട്ടി ചു​രം ഇ​റ​ങ്ങി. തു​ട​ർ​ന്ന് ആ​വ​ശ്യ​ത്തി​ന് തി​ക​യാ​തെ വ​ന്ന​തോ​ടെ​യാ​ണ് 1970ൽ ​റ​യോ​ൺ​സി​നാ​യി യൂ​ക്കാ​ലി മ​ര​ങ്ങ​ൾ പി​ടി​പ്പി​ച്ച​ത്.

വ​യ​നാ​ട് വ​ന്യ​ജീ​വി സ​​ങ്കേ​ത​ത്തി​ലെ സു​ൽ​ത്താ​ൻ ബ​ത്തേ​രി, മു​ത്ത​ങ്ങ, തോ​ൽ​പെ​ട്ടി റേ​ഞ്ചു​ക​ൾ, തി​രു​നെ​ല്ലി ബ്ര​ഹ്മ​ഗി​രി മ​ല​നി​ര​ക​ളു​ടെ പ​ടി​ഞ്ഞാ​റ​ൻ ചെ​രി​വു​ക​ൾ, പ​ടി​ഞ്ഞാ​റ​ത്ത​റ ലേ​ഡി സ്വീ​റ്റ് മേ​ഖ​ല​ക​ൾ, ബേ​ഗൂ​ർ റേ​ഞ്ച് തു​ട​ങ്ങി​യ വ​ന​പ്ര​ദേ​ശ​ങ്ങ​ളി​ലാ​ണ് യൂ​ക്കാ​ലി മ​ര​ങ്ങ​ൾ വ്യാ​പ​ക​മാ​യി ന​ട്ട​ത്.

സ​മീ​പ പ്ര​ദേ​ശ​ങ്ങ​ളി​ലെ ജ​ല​സ്രോ​ത​സു​ക​ൾ അ​പ്പാ​ടെ വ​റ്റി​വ​ര​ളാ​ൻ യൂ​ക്കാ​ലി മ​ര​ങ്ങ​ൾ കാ​ര​ണ​മാ​യി. ഇ​തി​ന്റെ വേ​രു​ക​ൾ വ്യാ​പ​ക​മാ​യി വെ​ള്ളം ഊ​റ്റി​യെ​ടു​ക്കു​ന്ന​താ​ണ് കാ​ര​ണം.

യൂ​ക്കാ​ലി, മാ​ഞ്ചി​യം, അ​ക്കേ​ഷ്യ തു​ട​ങ്ങി​യ വി​ദേ​ശ ഏ​ക​വി​ള​ത്തോ​ട്ട​ങ്ങ​ളി​ൽ അ​ടി​ക്കാ​ടു​ക​ൾ വ​ള​രു​ക​യി​ല്ല. ഇ​തോ​ടെ മൃ​ഗ​ങ്ങ​ൾ​ക്ക് വെ​ള്ള​വും തീ​റ്റ​യും കി​ട്ടാ​തെ​വ​രു​ക​യും അ​വ കാ​ടി​റ​ങ്ങു​ക​യും ചെ​യ്തു.

യൂ​ക്കാ​ലി ന​ട്ട​താ​ണ് വ​യ​നാ​ട്ടി​ൽ വ​ര​ൾ​ച്ച​യും ജ​ല​ക്ഷാ​മ​വും രൂ​ക്ഷ​മാ​യ വ​ന്യ​ജീ​വി പ്ര​ശ്ന​വും ഉ​ണ്ടാ​കാ​ൻ പ്ര​ധാ​ന കാ​ര​ണ​മാ​യ​ത്. ക​ബ​നി ന​ദി വ​റ്റി​വ​രാ​ളാ​നും ഇ​ത് വ​ലി​യ​തോ​തി​ൽ കാ​ര​ണ​മാ​യി​ട്ടു​ണ്ട്.

പാ​രി​സ്ഥി​തി​ക പ്ര​ശ്ന​ങ്ങ​ൾ ഉ​ണ്ടാ​യ​തോ​ടെ യൂ​ക്കാ​ലി, അ​ക്കേ​ഷ്യ എ​ന്നി​വ ന​ടു​ന്ന​ത് വി​ല​ക്കി 2017ൽ ​സ​ർ​ക്കാ​ർ ഉ​ത്ത​ര​വി​റ​ക്കി​യി​രു​ന്നു. 2021ൽ ​വ​ന​ന​യം പ്ര​ഖ്യാ​പി​ച്ച​പ്പോ​ൾ ഇ​ത്ത​രം മ​ര​ങ്ങ​ൾ ഉ​ന്മൂ​ല​നം​ചെ​യ്ത് പ​ക​രം ത​ദ്ദേ​ശീ​യ ഇ​ന​ങ്ങ​ളാ​യ മാ​വ്, പ്ലാ​വ്, കാ​ട്ടു​നെ​ല്ലി, വാ​ക, കാ​ട്ടു​പു​ളി, മ​ല​വേ​പ്പ്, ഞാ​വ​ൽ, അ​ത്തി തു​ട​ങ്ങി​യ മ​ര​ങ്ങ​ൾ ന​ട്ടു​പി​ടി​പ്പി​ക്ക​ണ​മെ​ന്ന് തീ​രു​മാ​നി​ച്ചു.

2017ലെ ​ഉ​ത്ത​ര​വി​നും 2021ലെ ​വ​ന ന​യ​ത്തി​നും വി​രു​ദ്ധ​മാ​ണ് വ​നം​വ​കു​പ്പി​ന്റെ ഇ​പ്പോ​ഴ​ത്തെ തീ​രു​മാ​നം.

അ​ടു​ത്ത​കാ​ല​ത്ത് വ​ന്യ​മൃ​ഗ​ശ​ല്യം രൂ​ക്ഷ​മാ​യ പ്ര​ദേ​ശ​ങ്ങ​ളി​ല​ധി​ക​വും ഏ​ക​വി​ള​ത്തോ​ട്ട​ങ്ങ​ളോ​ട് ചേ​ർ​ന്ന​യി​ട​ങ്ങ​ളാ​ണ്. ജ​ന​കീ​യ പ്ര​തി​ഷേ​ധ​മ​ട​ക്കം ഉ​ണ്ടാ​യ​തോ​ടെ​യാ​ണ് 1984ഓ​ടെ വ​യ​നാ​ട്ടി​ലെ കാ​ടു​ക​ളി​ൽ യൂ​ക്കാ​ലി മ​ര​ങ്ങ​ൾ ന​ടു​ന്ന​ത് അ​ധി​കൃ​ത​ർ നി​ർ​ത്തി​യ​ത്. വ​യ​നാ​ട്ടി​ൽ നി​ല​വി​ലു​ള്ള യൂ​ക്കാ​ലി മ​ര​ങ്ങ​ൾ ആ​ർ​ക്കും പ്ര​യോ​ജ​ന​മി​ല്ലാ​തെ പ​രി​സ്ഥി​തി ന​ശി​പ്പി​ച്ച് നി​ൽ​ക്കു​ക​യാ​ണ് ഇ​ന്നും.

കേ​ന്ദ്ര​നി​യ​മം മൂ​ലം വ​ന്യ​ജീ​വി സ​​ങ്കേ​ത​ത്തി​ലെ യൂ​ക്കാ​ലി മ​ര​ങ്ങ​ൾ ഒ​ഴി​വാ​ക്കാ​ൻ ക​ഴി​യാ​ത്ത സാ​ഹ​ച​ര്യ​മാ​ണ്. മ​റ്റി​ട​ങ്ങ​ളി​ലെ യൂ​ക്കാ​ലി മ​ര​ങ്ങ​ൾ​ക്കാ​ക​ട്ടെ ആ​വ​ശ്യ​ക്കാ​രു​മി​ല്ല. പ​ൾ​പ്പ് ആ​വ​ശ്യ​ങ്ങ​ൾ​ക്ക​ല്ലാ​തെ യൂ​ക്കാ​ലി മ​ര​ങ്ങ​ൾ കൊ​ണ്ട് മ​റ്റ് ​പ്ര​യോ​ജ​ന​ങ്ങ​ൾ കാ​ര്യ​മാ​യി ഇ​ല്ലാ​ത്ത​താ​ണ് കാ​ര​ണം.

യൂ​ക്കാ​ലി മ​ര​ങ്ങ​ൾ ന​ടു​ന്ന​ത് ചെ​റു​ക്കും -പ്ര​കൃ​തി സം​ര​ക്ഷ​ണ സ​മി​തി

ക​ൽ​പ​റ്റ: കേ​ര​ള​ത്തി​ലെ പ​ശ്ചി​മ​ഘ​ട്ട ക​ർ​ഷ​ക​ഗ്രാ​മ​ങ്ങ​ളി​ൽ തു​ട​ർ​ന്നു​കൊ​ണ്ടി​രി​ക്കു​ന്ന മ​നു​ഷ്യ വ​ന്യ​ജീ​വി സം​ഘ​ർ​ഷ​ത്തി​ന്നും തീ​രാ​ത്ത ദു​രി​ത​ത്തി​നും കാ​ര​ണ​മാ​യ യൂ​ക്കാ​ലി, അ​ക്കേ​ഷ്യ തു​ട​ങ്ങി​യ വി​ദേ​ശ മ​ര​ങ്ങ​ളു​ടെ​യും തേ​ക്കി​ന്റെ​യും തോ​ട്ട​ങ്ങ​ൾ പു​ന​രാ​രം​ഭി​ക്കാ​നു​ള്ള വ​നം​വ​കു​പ്പി​ന്റെ തീ​രു​മാ​നം ചെ​റു​ക്കു​മെ​ന്ന് വ​യ​നാ​ട് പ്ര​കൃ​തി സം​ര​ക്ഷ​ണ സ​മി​തി അ​റി​യി​ച്ചു. കേ​ര​ള​ത്തി​ലെ പ​രി​സ്ഥി​തി​യെ നൂ​റു​കൊ​ല്ലം പി​റ​കോ​ട്ടു കൊ​ണ്ടു​പോ​കു​ന്ന തീ​രു​മാ​ന​മാ​ണി​ത്.

ഇ​ത്ത​രം വൃ​ക്ഷ​ങ്ങ​ൾ കാ​ട്ടി​ൽ ന​ടു​ന്ന​ത് വി​ല​ക്കി​ക്കൊ​ണ്ടു​ള്ള സ​ർ​ക്കാ​ർ ഉ​ത്ത​ര​വി​ന്റെ​യും 2021ലെ ​കേ​ര​ള വ​ന​ന​യ​ത്തി​ന്റെ​യും ന​ഗ്ന​മാ​യ ലം​ഘ​ന​മാ​ണ് കേ​ര​ള ഫോ​റ​സ്റ്റ് ഡെ​വ​ല​പ്മെ​ന്റ് കോ​ർ​പ​റേ​ഷ​ന് യൂ​ക്കാ​ലി ന​ടാ​ൻ അ​നു​മ​തി ന​ൽ​കി​ക്കൊ​ണ്ടു​ള്ള വ​നം മേ​ധാ​വി​യു​ടെ ഉ​ത്ത​ര​വ്. 1988ലെ ​നാ​ഷ​ന​ൽ ഫോ​റ​സ്റ്റ് പോ​ളി​സി പ്ര​കാ​രം വ​ന​ങ്ങ​ൾ വ്യ​വ​സാ​യി​കാ​വ​ശ്യ​ത്തി​നു​ള്ള അ​സം​സ്കൃ​ത വി​ഭ​വ​ങ്ങ​ൾ​ക്ക് വേ​ണ്ടി ഉ​പ​യോ​ഗി​ക്കു​ന്ന​തി​ന്ന് വി​ല​ക്കേ​ർ​പ്പെ​ടു​ത്തി​യി​ട്ടു​ണ്ട്.

അ​സം​സ്കൃ​ത പ​ഥാ​ർ​ഥ​ങ്ങ​ളു​ടെ ല​ഭ്യ​ത​ക്കു​റ​വും കെ​ടു​കാ​ര്യ​സ്ഥ​ത​യും​മൂ​ലം അ​കാ​ല ച​ര​മ​മ​ട​ഞ്ഞ ഹി​ന്ദു​സ്ഥാ​ൻ ന്യൂ​സ് പ്രി​ന്റ് ഫാ​ക്ട​റി​യെ​യും ന​ശി​ച്ചു​കൊ​ണ്ടി​രി​ക്കു​ന്ന കെ.​എ​ഫ്.​ഡി.​സി​യെ​യും പു​തി​യ ക​റ​വ​പ്പ​ശു​വാ​ക്കാ​നു​ള്ള ഗൂ​ഢാ​ലോ​ച​ന​യു​ടെ ഫ​ല​മാ​ണ് പു​തി​യ തീ​രു​മാ​നം.

മാ​വൂ​ർ ഗ്വാ​ളി​യോ​ർ റ​​യോ​ൺ​സി​ന് നാ​മ​മാ​ത്ര വി​ല​ക്ക് മു​ള ല​ഭ്യ​മാ​കാ​താ​യ​തോ​ടെ യൂ​ക്കാ​ലി കൃ​ഷി​ചെ​യ്ത് യൂ​ക്കാ​ലി​ത്ത​ടി​യും സൗ​ജ​ന്യ വൈ​ദ്യു​തി​യും വെ​ള്ള​വും ന​ൽ​കി കേ​ര​ള​ത്തെ ന​ര​ക​തു​ല്ല്യ​മാ​ക്കി​യ​തി​ന്റെ ത​നി​യാ​വ​ർ​ത്ത​ന​മാ​ണ് ന​ട​ക്കാ​ൻ പോ​കു​ന്ന​ത്. കേ​ര​ള​ത്തി​ലെ മ​റ്റ് ​പ​രി​സ്ഥി​തി സം​ഘ​ട​ന​ക​ളു​മാ​യി യോ​ജി​ച്ച് നീ​ക്ക​ത്തെ ചെ​റു​ക്കും. ഇ​തി​നാ​യി യോ​ഗ ചേ​ർ​ന്ന് ഭാ​വി സ​മ​ര​പ​രി​പാ​ടി​ക​ൾ ആ​സൂ​ത്ര​ണം ചെ​യ്യു​മെ​ന്നും പ്ര​കൃ​തി സം​ര​ക്ഷ​ണ സ​മി​തി അ​റി​യി​ച്ചു.