ഗൾഫ് ജോലി; വാട്​സ്​ആപ് സന്ദേശം കണ്ട് റിസോർട്ടിലെത്തിയത് നൂറു കണക്കിന് പേർ

പന്തീരാങ്കാവ്: അബൂദുബൈ നാഷനൽ ഓയിൽ കമ്പനിയിലേക്ക് ജോലിക്ക് ആളെ ആവശ്യമുണ്ടെന്ന വാട്സ്​ആപ്​ സന്ദേശം കണ്ട് അഭിമ​ുഖത്തിനെത്തിയവർ അധികൃതരെ കാണാനാവാതെ മടങ്ങി. ദിവസങ്ങളോളമായി പ്രചരിക്കുന്ന സന്ദേശംകണ്ട് നൂറുകണക്കിന് ആളുകളാണ് സംസ്ഥാനത്തി​​​െൻറ വിവിധ ഭാഗങ്ങളിൽനിന്നും പുറത്തുനിന്നും ശനിയാഴ്ച പുലർച്ച മുതൽ അഴിഞ്ഞിലം സ്വകാര്യ റിസോർട്ടി​ലെത്തിയത്. 23നും 35നുമിടക്ക് പ്രായമുള്ള പ്ലസ് ടു യോഗ്യതയുള്ളവരെയാണ് അഭിമുഖത്തിന് ക്ഷണിച്ചത്. 

എന്നാൽ, അഭിമുഖത്തെക്കുറിച്ച്  തങ്ങൾക്ക് വിവരമൊന്നുമില്ലെന്ന് റിസോർട്ട് അധികൃതർ വ്യക്തമാക്കിയതോടെയാണ് കബളിപ്പിക്കപ്പെട്ടെന്ന് ഉദ്യോഗാർഥികൾക്ക് മനസ്സിലായത്. 
കൊല്ലത്തെ ക്രിയേറ്റിവ് ടൂർസ് ആൻഡ് ട്രാവൽസി​​​െൻറ പേരിലാണ് സന്ദേശം പ്രചരിച്ചത്. എന്നാൽ, നേരത്തെ ഇൻറർവ്യൂ നടത്തി 400 ആളുകളെ തിരഞ്ഞെടുത്തതായി ട്രാവൽസ് അധികൃതർ പറഞ്ഞു.

ലിസ്​റ്റ്​ ചെയ്യപ്പെട്ട ഉദ്യോഗാർഥികളുമായി കമ്പനി അധികൃതരുടെ മുഖാമുഖമാണ് ശനിയാഴ്ച തീരുമാനിച്ചിരുന്നതെന്നും ഉദ്യോഗസ്ഥരുടെ അസൗകര്യം മൂലം ഇത് മാറ്റിവെച്ച വിവരം ഉദ്യോഗാർഥികളെ അറിയിച്ചിരുന്നതായും ട്രാവൽസ് അധികൃതർ പറഞ്ഞു. മുക്കം സ്വദേശിയായ ഷിജു അഡ്മിനായ വാട്സ്ആപ്​ ഗ്രൂപ് വഴിയാണ് 23ലെ അഭിമുഖത്തി​​െൻറ സന്ദേശം പ്രചരിച്ചതെന്ന്​ വാഴക്കാട് ​െപാലീസ് അറിയിച്ചു.