കൊല്ലം: നടിയെ ആക്രമിച്ച കേസിൽ ശക്തമായ നടപടി എടുക്കുമെന്ന് മുഖ്യമന്ത്രി ഉറപ്പു നൽകിയതായി നടനും എം.എൽ.എയുമായ മുകേഷ്. മുഴുവൻ പ്രതികളെയും ഉടൻ പിടികൂടുമെന്നാണ് പ്രതീക്ഷ. വിഷയത്തിൽ സർക്കാരും പൊലീസും ആത്മാർഥമായി ഇടപെടുന്നുണ്ട്. എല്ലാവർക്കും അറിയാവുന്ന വിഷയത്തിൽ ഏതുരീതിയിൽ പ്രതികരിക്കണമെന്ന ആശങ്കയാവാം സിനിമാ സംഘടനകൾ പ്രതികരിക്കാതിരിക്കാൻ കാരണമെന്നും മുകേഷ് പറഞ്ഞു.
മുഖ്യ പ്രതിയായ പൾസർ സുനിൽ രണ്ടര വർഷം മുൻപ് തന്‍റെ ഡ്രൈവറായി ജോലി ചെയ്തിട്ടുണ്ട്. കൊടും ക്രിമിനലായിരുന്നുവെന്ന് അന്ന് അറിയില്ലായിരുന്നു. ജോലിയിൽ നിന്ന് പറഞ്ഞുവിട്ടപ്പോൾ അതിന്‍റെ കാരണം അറിയണമെന്ന് പറഞ്ഞിരുന്നുവെന്നും മുകേഷ് മാധ്യമങ്ങളോട് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.