ന്യൂഡല്‍ഹി: കേരള പൊലീസ് മേധാവി അനിൽകാന്തിന്‍റെ പേരിലയച്ച വ്യാജ വാട്സ് ആപ് സന്ദേശത്തിലൂടെ കൊല്ലം കുണ്ടറ സ്വദേശിയായ അ‌ധ്യാപികയിൽനിന്ന് 14 ലക്ഷം രൂപ തട്ടിയ കേസിൽ നൈജീരിയന്‍ സ്വദേശി ഡൽഹിയിൽ പിടിയിൽ. ഡൽഹി ഉത്തംനഗറിർ ആനന്ദ് വിഹാറിൽ നിന്നും റൊമാനസ് ചിബൂച്ചി (28) എന്നയാളെയാണ് തിരുവനന്തപുരം സിറ്റി സൈബർ ക്രൈം പൊലീസ് പിടികൂടിയത്.
ഡൽഹി ദ്വാരക കോടതിയിൽ ഹാജരാക്കിയ ഇയാളെ ബുധനാഴ്ച തിരുവനന്തപുരത്തെത്തിക്കും. പ്രതിയെ പിടികൂടിയതിന് പിന്നാലെ പ്രദേശത്ത് താമസിക്കുന്ന നൈജീരിയൻ സംഘം പൊലീസിനെ തടയാൻ ശ്ര‌‌മിച്ചു. ഡൽഹി പൊലീസിന്‍റെ സഹായത്തോടെ സാഹസികമായാണ് പ്രതിയെ പ്രദേശത്തു നിന്നും പുറത്തെത്തിച്ചത്. ഓൺലൈൻ ലോട്ടറി അടിച്ചെന്നും അതിന് നികുതി അടച്ചില്ലെങ്കിൽ കേസ‌െടുക്കുമെ‌ന്നും കാണിച്ച് ഡി.ജി.പിയുടെ പേരും ഫോട്ടോയും ഉപയോഗിച്ചുള്ള വാട്സ് ആപ് നമ്പറിൽ നിന്നും സന്ദേശം അയച്ചായിരുന്നു തട്ടിപ്പ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.